ਭੂਚਾਲ ਦੇ ਝਟਕਿਆਂ ਨਾਲ ਕੰਬਿਆ ਫਿਲਪੀਨ, ਛੇ ਜਣਿਆਂ ਦੀ ਮੌਤ, ਲੋਕਾਂ 'ਚ ਦਹਿਸ਼ਤ ਦਾ ਮਾਹੌਲ

Wed, 30 Oct 2019 12:14 AM (IST)

Russia-Ukraine War: ਯੂਕਰੇਨ ਨੂੰ ਨਹੀਂ ਮਿਲੇਗਾ ਅਮਰੀਕੀ F-16 ਲੜਾਕੂ ਜਹਾਜ਼, ਰਾਸ਼ਟਰਪਤੀ ਬਾਇਡਨ ਨੇ ਭੇਜਣ ਤੋਂ ਕੀਤਾ ਇਨਕਾਰ

ਮਨੀਲਾ (ਏਜੰਸੀ) : ਫਿਲਪੀਨ ਦੇ ਦੱਖਣੀ ਹਿੱਸੇ 'ਚ ਮੰਗਲਵਾਰ ਨੂੰ ਆਏ ਤੇਜ਼ ਭੂੁਚਾਲ ਨਾਲ ਛੇ ਲੋਕਾਂ ਦੀ ਮੌਤ ਹੋ ਗਈ। ਰਿਕਟਰ ਪੈਮਾਨੇ 'ਤੇ ਭੂਚਾਲ ਦੀ ਤੀਬਰਤਾ 6.6 ਮਾਪੀ ਗਈ। ਇਸ ਤ੍ਰਾਸਦੀ ਨਾਲ ਸਭ ਤੋਂ ਜ਼ਿਆਦਾ ਮਿੰਡਾਨਾਓ ਟਾਪੂ ਪ੍ਰਭਾਵਿਤ ਰਿਹਾ। ਦਿਨ ਵੇਲੇ ਆਏ ਇਸ ਭੂਚਾਲ ਦੇ ਸਮੇਂ ਸਕੂਲ ਤੇ ਦਫਤਰ ਖੁੱਲ੍ਹੇ ਸਨ। ਭੂਚਾਲ ਆਉਣ 'ਤੇ ਮੈਗਸੈਸੇ ਦੇ ਇਕ ਸਕੂਲ ਦੇ ਬਾਹਰ ਭੱਜ ਰਹੇ ਇਕ ਵਿਦਿਆਰਥੀ 'ਤੇ ਕੰਧ ਡਿੱਗ ਜਾਣ ਨਾਲ ਉਸਦੀ ਉੱਥੇ ਮੌਤ ਹੋ ਗਈ। ਇਕ ਹੋਰ ਸਕੂਲ ਦੀ ਕੰਧ ਡਿੱਗਣ ਨਾਲ ਕਈ ਬੱਚਿਆਂ ਸਮੇਤ ਘੱਟੋ ਘੱਟ 50 ਲੋਕ ਜ਼ਖਮੀ ਹੋ ਗਏ। ਰਹਿ ਰਿਹ ਕੇ ਭੂਚਾਲ ਦੇ ਝਟਕਿਆਂ ਨਾਲ ਮੰਗਲਵਾਰ ਨੂੰ ਸਾਰਾ ਦਿਨ ਲੋਕ ਦਹਿਸ਼ਤ 'ਚ ਰਹੇ। ਫਿਲਪੀਨ 'ਚ ਇਸੇ ਮਹੀਨੇ ਦੀ 16 ਤਰੀਕ ਨੂੰ ਰਿਕਟਰ ਪੈਮਾਨੇ 'ਤੇ 6.4 ਦੀ ਤੀਬਰਤਾ ਦਾ ਭੂਚਾਲ ਆਇਆ ਸੀ। ਇਸ ਵਿਚ ਘੱਟੋ ਘੱਟ ਪੰਜ ਲੋਕਾਂ ਦੀ ਮੌਤ ਹੋ ਗਈ ਸੀ। ਫਿਲਪੀਨ 'ਚ ਇਸ ਸਾਲ ਅਪ੍ਰੈਲ 'ਚ ਆਏ ਭੂਚਾਲ ਨਾਲ 16 ਲੋਕਾਂ ਦੀ ਜਾਨ ਚਲੀ ਗਈ ਸੀ।