ਸ਼ਾਂਤੀ ਦਾ ਸੰਦੇਸ਼ ਲੈ ਕੇ ਹਾਂਗਕਾਂਗ ਦੀ 68 ਮੰਜ਼ਿਲੀ ਇਮਾਰਤ 'ਤੇ ਚੜ੍ਹਿਆ ਫਰਾਂਸੀਸੀ ਸਪਾਈਡਰਮੈਨ

Fri, 16 Aug 2019 06:24 PM (IST)

ਕੈਨੇਡਾ 'ਚ ਪੰਜਾਬੀ ਬੋਲਣ ਵਾਲਿਆਂ ਦੀ ਗਿਣਤੀ 'ਚ 49 ਫ਼ੀਸਦੀ ਵਾਧਾ, ਦੇਸ਼ 'ਚ ਚੌਥੇ ਨੰਬਰ 'ਤੇ ਪੰਜਾਬੀ

ਹਾਂਗਕਾਂਗ (ਏਐੱਫਪੀ) : ਵਿਰੋਧ ਪ੍ਰਦਰਸ਼ਨਾਂ ਨੂੰ ਲੈ ਕੇ ਹਾਂਗਕਾਂਗ 'ਚ ਜਾਰੀ ਉੱਥਲ ਪੁੱਥਲ ਦਰਮਿਆਨ ਫਰਾਂਸੀਸੀ ਸਪਾਈਡਰਮੈਨ ਦੇ ਨਾਂ ਨਾਲ ਮਸ਼ਹੂਰ ਐਲਨ ਰਾਬਰਟ ਨੇ ਇੱਥੇ 68 ਮੰਜ਼ਿਲੀ ਇਮਾਰਤ 'ਤੇ ਚੜ੍ਹ ਕੇ ਲੋਕਾਂ ਨੂੰ ਸ਼ਾਂਤੀ ਦੀ ਅਪੀਲ ਕੀਤੀ। 57 ਸਾਲਾ ਰਾਬਰਟ ਨੇ ਸ਼ੁੱਕਰਵਾਰ ਨੂੰ ਬਿਨਾਂ ਕਿਸੇ ਸਹਾਰੇ ਦੇ ਚੇਓਂਗ ਕੋਂਗ ਸੈਂਟਰ 'ਚ ਚੜ੍ਹ ਕੇ ਇਕ ਬੈਨਰ ਲਗਾਇਆ। ਇਸ ਬੈਨਰ 'ਤੇ ਚੀਨ ਅਤੇ ਹਾਂਗਕਾਂਗ ਦੇ ਝੰਡੇ ਦੇ ਨਾਲ ਹੀ ਹੱਥ ਮਿਲਾਉਂਦੀਆਂ ਦੋ ਹਥੇਲੀਆਂ ਬਣੀਆਂ ਸਨ। ਇਸ ਸਾਹਸਿਕ ਕਰਤਬ ਤੋਂ ਪਹਿਲਾਂ ਰਾਬਰਟ ਨੇ ਕਿਹਾ ਕਿ ਉਹ ਹਾਂਗਕਾਂਗ ਵਾਸੀਆਂ ਅਤੇ ਸਰਕਾਰ ਦਰਮਿਆਨ ਵਾਰਤਾ ਦੀ ਸੰਭਾਵਨਾ ਵਧਾਉਣ ਲਈ ਇਹ ਕਰ ਰਹੇ ਹਨ। ਉਨ੍ਹਾਂ ਕਿਹਾ, 'ਮੈਂ ਬਸ ਲੋਕਾਂ ਦੇ ਚਿਹਰੇ 'ਤੇ ਮੁਸਕਾਨ ਲਿਆਉਣਾ ਚਾਹੁੰਦਾ ਹਾਂ।' ਦੁਨੀਆ ਭਰ ਦੀਆਂ ਕਈ ਉੱਚੀਆਂ ਇਮਾਰਤਾਂ 'ਤੇ ਚੜ੍ਹ ਚੁੱਕੇ ਰਾਬਰਟ ਪਹਿਲਾਂ ਵੀ ਦੋ ਵਾਰੀ ਚੇਓਂਗ ਕੋਂਗ 'ਤੇ ਚੜ੍ਹ ਚੁੱਕੇ ਹਨ। 2011 'ਚ ਹਾਂਗ ਸੇਂਗ ਬੈਂਕ ਦੀ 27 ਮੰਜ਼ਿਲੀ ਇਮਾਰਤ 'ਤੇ ਨਾਜਾਇਜ਼ ਤੌਰ 'ਤੇ ਚੜ੍ਹਨ ਕਾਰਨ ਪਿਛਲੇ ਸਾਲ ਅਗਸਤ 'ਚ ਹਾਂਗਕਾਂਗ ਦੀ ਇਕ ਅਦਾਲਤ ਨੇ ਰਾਬਰਟ ਨੂੰ ਕਿਸੇ ਹੋਰ ਇਮਾਰਤ 'ਤੇ ਚੜ੍ਹਨ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਉਦੋਂ ਉਨ੍ਹਾਂ ਨੇ ਰੋਕ ਖ਼ਤਮ ਹੁੰਦੇ ਹੀ ਫਿਰ ਹਾਂਗਕਾਂਗ ਆਉਣ ਦੀ ਗੱਲ ਕੀਤੀ ਸੀ।

ਸ਼ਾਂਤੀ ਦਾ ਸੰਦੇਸ਼ ਲੈ ਕੇ ਹਾਂਗਕਾਂਗ ਦੀ 68 ਮੰਜ਼ਿਲੀ ਇਮਾਰਤ 'ਤੇ ਚੜ੍ਹਿਆ ਫਰਾਂਸੀਸੀ ਸਪਾਈਡਰਮੈਨ

ਤਾਜ਼ਾ ਖ਼ਬਰਾਂ

ਸੰਬੰਧਿਤ ਖ਼ਬਰਾਂ