ਨੇਪਾਲ 'ਚ 444 ਕੋਰੋਨਾ ਪ੍ਰਭਾਵਿਤ ਕੇਸ

Thu, 21 May 2020 07:15 PM (IST)

ਜਾਪਾਨੀ ਵਿਦਿਆਰਥੀਆਂ ’ਚ ਹਿੰਦੀ ਸਭ ਤੋਂ ਹਰਮਨਪਿਆਰੀ ਭਾਸ਼ਾ

ਕਾਠਮੰਡੂ (ਪੀਟੀਆਈ) : ਨੇਪਾਲ 'ਚ ਵੀਰਵਾਰ ਨੂੰ ਕੋਰੋਨਾ ਵਾਇਰਸ ਦੇ 17 ਨਵੇਂ ਮਾਮਲੇ ਸਾਹਮਣੇ ਆਏ। ਇਸ ਨਾਲ ਹੁਣ ਤਕ ਦੇਸ਼ ਵਿਚ ਕੋਰੋਨਾ ਪ੍ਰਭਾਵਿਤ ਮਰੀਜ਼ਾਂ ਦੀ ਗਿਣਤੀ 444 ਤਕ ਪੁੱਜ ਗਈ ਹੈ। ਨੇਪਾਲ ਵਿਚ ਲਾਗੂ ਲਾਕਡਾਊਨ ਕਾਰਨ ਦੇਸ਼ ਵਿਚ ਕੋਰੋਨਾ ਪ੍ਰਭਾਵਿਤ ਮਰੀਜ਼ਾਂ ਦੀ ਗਿਣਤੀ ਦੂਜੇ ਦੇਸ਼ਾਂ ਦੇ ਮੁਕਾਬਲੇ ਘੱਟ ਹੈ। ਕੋਰੋੋਨਾ ਦੇ ਨਵੇਂ ਮਾਮਲੇ ਝਾਪਾ, ਥਾਨਕੁਟਾ ਅਤੇ ਸੁੰਸਾਰੀ ਜ਼ਿਲਿ੍ਆਂ ਵਿਚ ਸਾਹਮਣੇ ਆਏ ਹਨ। ਬੁੱਧਵਾਰ ਨੂੰ ਨੇਪਾਲ ਵਿਚ ਕੋਰੋਨਾ ਦੇ ਨਵੇਂ 25 ਮਾਮਲੇ ਸਾਹਮਣੇ ਆਏ ਸਨ। ਨੇਪਾਲ ਦੇ 77 ਜ਼ਿਲਿ੍ਆਂ 'ਚੋਂ 38 ਜ਼ਿਲਿ੍ਆਂ ਵਿਚ ਹੁਣ ਤਕ ਕੋਰੋਨਾ ਦੇ ਮਰੀਜ਼ ਮਿਲੇ ਹਨ। ਦੇਸ਼ ਵਿਚ 36 ਹਜ਼ਾਰ ਲੋਕਾਂ ਦਾ ਹੁਣ ਤਕ ਕੋਰੋਨਾ ਵਾਇਰਸ ਦਾ ਟੈਸਟ ਕੀਤਾ ਗਿਆ ਹੈ ਜਦਕਿ 45 ਲੋਕਾਂ ਦੇ ਸਿਹਤਮੰਦ ਹੋਣ 'ਤੇ ਉਨ੍ਹਾਂ ਨੂੰ ਘਰ ਭੇਜ ਦਿੱਤਾ ਗਿਆ ਹੈ।