ਮੈਲਬੌਰਨ, ਖੁਸ਼ਪ੍ਰੀਤ ਸਿੰਘ ਸੁਨਾਮ: ਮੂਰੇਲੈਂਡ ਮਲਟੀਕਲਚਰਲ ਨੈਟਵਰਕ ਅਤੇ ਏ. ਐਮ. ਆਰ. ਵਲੋ ਹਰ ਸਾਲ ਦੀ ਤਰ੍ਹਾਂ ਇਸ ਵੀ ਬਹੁ ਸਭਿਆਚਾਰਕ(ਮਲਟੀਕਲਚਰਲ) ਮੇਲਾ ਕਰਵਾਇਆ ਗਿਆ।ਜਿਸ ਵਿੱਚ ਕਰੀਬ 18 ਦੇਸ਼ਾਂ ਦੀਆਂ ਟੀਮਾਂ ਨੇ ਭਾਗ ਲਿਆ।ਇਸ ਮੌਕੇ ਆਸਟ੍ਰੇਲੀਆ ਸਮੇਤ ਯੂਕਰੇਨ,ਨਾਈਜੀਰੀਆ,ਚੀਨ, ਅਫਰੀਕਾ,ਭਾਰਤ,ਫਿਲੀਪਿਨਜ਼, ਮਾਉਰੀ,ਗਰੀਸ, ਇਟਲੀ, ਸ੍ਰੀ ਲੰਕਾ ਆਦਿ ਦੇਸ਼ਾ ਦੀਆਂ ਟੀਮਾਂ ਨੇ ਇਸ ਮੇਲੇ ਵਿੱਚ ਭਾਗ ਲਿਆ।ਇਸ ਸਮਾਰੋਹ ਵਿੱਚ ਪ੍ਰਤੀਯੋਗੀ ਦੇਸ਼ਾਂ ਨੇ ਆਪਣੀਆਂ ਸਭਿਆਚਾਰਕ ਵੰਣਗੀਆਂ ਪੇਸ਼ ਕੀਤੀਆਂ ਉਥੇ ਹੀ ਉਨਾਂ ਦੇਸ਼ਾਂ ਦੇ ਹੀ ਭੋਜਨ ਅਤੇ ਕੱਪੜਿਆਂ ਤੇ ਗਹਿਣਿਆਂ ਤੇ ਦਸਤਕਾਰੀ ਦੀਆਂ ਦੁਕਾਨਾਂ ਵੀ ਲਗਾਈਆਂ ਗਈਆਂ ਸਨ।ਇਸ ਮੇਲੇ ਵਿੱਚ ਆਲੇ ਦੁਆਲੇ ਦੇ ਇਲਾਕਿਆਂ ਵਿੱਚੋਂ ਵੱਡੀ ਗਿਣਤੀ ਵਿੱਚ ਲੋਕ ਇਸ ਮੇਲੇ ਨੂੰ ਦੇਖਣ ਲਈ ਆਏ ਹੋਏ ਸਨ।ਇਸ ਸਮਾਗਮ ਵਿੱਚ ਫੋਕ ਵੇਵ ਅਕੈਡਮੀ ਵਲੋਂ ਕੀਤੀ ਗਈ ਭੰਗੜੇ ਦੀ ਪੇਸ਼ਕਾਰੀ ਨੇ ਚੰਗੀ ਵਾਹ ਵਾਹ ਖੱਟੀ।ਇਸ ਮੌਕੇ ਮੈਂਬਰ ਪਾਰਲੀਮੈਂਟ ਏਡਰਿਨ ਪੈਡਰਿਕ ਤੇ ਮੂਰੇ ਬਰਿੱਜ ਦੇ ਮੇਅਰ ਵਿਆਨੀ ਥੋਰਲੇ ਨੇ ਵਿਸ਼ੇਸ ਮਹਿਮਾਨਾਂ ਵਜੋ ਹਾਜਰੀ ਲਗਵਾਈ ਤੇ ਪ੍ਰਤੀਯੋਗੀਆਂ ਦੀ ਹੋੌਂਸਲਾ ਅਫ਼ਜਾਈ ਕੀਤੀ।ਇਸ ਮੌਕੇ ਮੂਰੇ ਬਰਿੱਜ ਨੈਟਵਰਕ ਦੇ ਚੇਅਰਮੈਨ ਮਕੈਨਜ਼ੀ ਅਤੇ ਏ. ਐਮ. ਆਰ. ਸੀ ਦੇ ਹੈਦਰ ਵਲੋ ਆਏ ਹੋਏ ਦਰਸ਼ਕਾਂ ਨੂੰ ਜੀ ਆਇਆਂ ਕਿਹਾ ਤੇ ਦਰਸ਼ਕਾਂ ਨੂੰ ਸੰਬੋਧਨ ਹੁੰਦੇ ਕਿਹਾ ਕਿ ਭਵਿੱਖ ਵਿੱਚ ਵੀ ਇਸ ਤਰ੍ਹਾਂ ਦੇ ਉਪਰਾਲੇ ਕਰਦੇ ਰਹਿਣਗੇ।। ਇਸ ਮੇਲੇ ਨੂੰ ਕਾਮਯਾਬ ਕਰਨ ਲਈ ਭਾਰਤ ਦੀ ਪ੍ਰਤੀਨਿਧਤਾ ਕਰਦਿਆਂ ਮੂਰੇ ਬਰਿੱਜ ਤੋ ਸਮਾਜ ਸੇਵੀ ਜਗਤਾਰ ਸਿੰਘ ਨਾਗਰੀ,ਰੀਤ ਗਿੱਲ, ਗੁਰਪ੍ਰੀਤ ਸਿੰਘ ਭੁੱਲਰ ਅਤੇ ਮਨੀ ਕੌਰ ਆਦਿ ਨੇ ਵਡਮੁੱਲਾ ਯੋਗਦਾਨ ਪਾਇਆ।
