WhatsApp New Feature : ਨਵੀਂ ਦਿੱਲੀ, ਟੈੱਕ ਡੈਸਕ : WhatsApp ਦੁਨੀਆ ਭਰ ਵਿਚ 2 ਬਿਲੀਅਨ ਤੋਂ ਵੱਧ ਯੂਜ਼ਰਜ਼ ਵਾਲਾ ਇਕ ਪ੍ਰਸਿੱਧ ਮੈਸੇਜਿੰਗ ਪਲੇਟਫਾਰਮ ਹੈ। ਮੈਟਾ ਦੀ ਮੈਸੇਜਿੰਗ ਐਪ ਆਪਣੇ ਯੂਜ਼ਰਜ਼ ਲਈ ਐਪ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਨਵੇਂ-ਨਵੇਂ ਫੀਚਰ ਨੂੰ ਰੋਲ ਆਊਟ ਕਰਦੀ ਰਹਿੰਦੀ ਹੈ। ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਹੁਣ ਆਈਓਐਸ 'ਚ ਕੈਪਸ਼ਨ ਫੀਚਰ ਦੇ ਨਾਲ ਆਪਣੇ ਫਾਰਵਰਡ ਮੀਡੀਆ ਨੂੰ ਰੋਲਆਊਟ ਕਰ ਰਿਹਾ ਹੈ। ਇਹ ਫੀਚਰ ਯੂਜ਼ਰਜ਼ ਨੂੰ ਕੈਪਸ਼ਨ ਦੇ ਨਾਲ ਵੀਡੀਓ, ਚਿੱਤਰ, GIF ਤੇ ਦਸਤਾਵੇਜ਼ਾਂ ਨੂੰ ਸਾਂਝਾ ਕਰਨ ਦੀ ਸੁਵਿਧਾ ਦੇਵੇਗਾ। ਇਸ ਤੋਂ ਇਲਾਵਾ ਯੂਜ਼ਰਜ਼ ਕੈਪਸ਼ਨ ਨੂੰ ਹਟਾ ਵੀ ਸਕਦੇ ਹਨ।
ਵ੍ਹਟਸਐਪ ਦੇ ਨਵੇਂ ਵਰਜ਼ਨ 'ਚ ਮਿਲੇਗਾ ਅਪਡੇਟ
WABetaInfo ਦੀ ਇਕ ਤਾਜ਼ਾ ਰਿਪੋਰਟ 'ਚ ਸੁਝਾਅ ਦਿੱਤਾ ਗਿਆ ਹੈ ਕਿ ਯੂਜ਼ਰਜ਼ ਐਪ ਨੂੰ ਉਦੋਂ ਹੀ ਵਰਤ ਸਕਣਗੇ ਜਦੋਂ ਉਹ ਐਪ ਸਟੋਰ ਤੋਂ iOS 22.23.77 ਲਈ WhatsApp ਦਾ ਸਥਿਰ ਸੰਸਕਰਨ ਸਥਾਪਤ ਕਰਨਗੇ। ਵ੍ਹਟਸਐਪ ਦੀ ਨਵੇਂ ਫੀਚਰ ਯੂਜ਼ਰਜ਼ ਨੂੰ ਆਪਣੇ ਪਰਿਵਾਰ, ਦੋਸਤਾਂ ਤੇ ਹੋਰ ਕੰਟੈਕਟਸ ਨੂੰ ਕੈਪਸ਼ਨ ਦੇ ਨਾਲ ਚਿੱਤਰ, ਵੀਡੀਓ, GIF ਸ਼ੇਅਰ ਕਰਨ ਦੀ ਸੁਵਿਧਾ ਦੇਵੇਗਾ। ਇਹ iOS ਯੂਜ਼ਰਜ਼ ਨੂੰ ਕੈਪਸ਼ਨ 'ਚ ਸੰਬੰਧਿਤ ਕੀਵਰਡ ਟਾਈਪ ਕਰ ਕੇ ਪੁਰਾਣੀਆਂ ਫਾਈਲਾਂ ਦੀ ਖੋਜ ਕਰਨ ਵਿੱਚ ਮਦਦ ਕਰੇਗਾ।
ਇੰਜ ਕਰ ਸਕਦੇ ਹੋ ਇਸਤੇਮਾਲ
ਜਦੋਂ ਯੂਜ਼ਰਜ਼ ਮੀਡੀਆ ਨਾਲ ਕੈਪਸ਼ਨ ਸਾਂਝੀ ਕਰਦੇ ਹਨ, ਤਾਂ ਸਕ੍ਰੀਨ ਹੇਠਾਂ ਇਕ ਨਵਾਂ ਵਿਊ ਦਿਖਾਈ ਦੇਵੇਗਾ। ਇਹ ਉਨ੍ਹਾਂ ਨੂੰ ਸੂਚਿਤ ਕਰੇਗਾ ਕਿ ਕੀ ਵਿਸ਼ੇਸ਼ਤਾ ਸਮਰੱਥ ਹੈ ਜਾਂ ਨਹੀਂ। ਇਸ ਤੋਂ ਇਲਾਵਾ, ਜੇਕਰ ਯੂਜ਼ਰ ਇਸ ਨੂੰ ਹਟਾਉਣਾ ਚਾਹੁੰਦੇ ਹਨ ਤਾਂ ਫਾਰਵਰਡ ਕਰਨ ਤੋਂ ਪਹਿਲਾਂ ਮੀਡੀਆ ਤੋਂ ਕੈਪਸ਼ਨ ਹਟਾਉਣ ਲਈ ਇਕ ਡਿਸਮਿਸ ਬਟਨ ਉਪਲਬਧ ਹੋਵੇਗਾ।
ਇਸ ਫੀਚਰ ਨੂੰ ਵੀ ਕਰ ਰਿਹਾ ਹੈ ਰੋਲਆਊਟ
ਇਕ ਨਵੀਂ ਰਿਪੋਰਟ ਅਨੁਸਾਰ, ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਵਿੰਡੋਜ਼ ਬੀਟਾ ਸੰਸਕਰਨ 'ਤੇ ਕੰਟੈਕਟ ਕਾਰਡ ਸ਼ੇਅਰ ਕਰਨ ਦੀ ਸਮਰੱਥਾ ਨੂੰ ਵੀ ਰੋਲਆਊਟ ਕਰ ਰਿਹਾ ਹੈ। ਇਹ ਨਵਾਂ ਫੀਚਰ ਯੂਜ਼ਰਜ਼ ਨੂੰ ਉਸੇ ਚੈਟ ਸ਼ੇਅਰ ਸ਼ੀਟ 'ਚ ਕੰਟੈਕਟ ਕਾਰਡ ਸ਼ੇਅਰ ਕਰਨ ਦੀ ਆਗਿਆ ਦੇਵੇਗਾ। ਜੇਕਰ ਇਹ ਫੀਚਰ ਯੂਜ਼ਰਜ਼ ਦੇ ਵ੍ਹਟਸਐਪ ਖਾਤੇ ਲਈ ਪਹਿਲਾਂ ਤੋਂ ਹੀ ਸਮਰੱਥ ਹੈ, ਤਾਂ ਐਂਟਰੀ ਪੁਆਇੰਟ 'ਸੰਪਰਕ' ਪੌਪ ਅੱਪ ਹੋ ਜਾਵੇਗਾ।
ਇਹ ਫੀਚਰ ਯੂਜ਼ਰਜ਼ ਦੀ ਮਦਦ ਕਰੇਗਾ ਕਿਉਂਕਿ ਜਦੋਂ ਕੋਈ ਕੰਟੈਕਟ ਕਾਰਡ ਸ਼ੇਅਰ ਕਰਦਾ ਹੈ ਤਾਂ ਰਿਸੀਵਰ ਇਸਨੂੰ ਆਸਾਨੀ ਨਾਲ ਆਪਣੀ ਐਡਰੈੱਸ ਬੁੱਕ 'ਚ ਸ਼ਾਮਲ ਕਰ ਸਕੇਗਾ। ਰਿਪੋਰਟ ਮੁਤਾਬਕ ਵਿੰਡੋਜ਼ 2.2247.2.0 ਅਪਡੇਟ ਲਈ WhatsApp ਬੀਟਾ ਨੂੰ ਡਾਊਨਲੋਡ ਕਰਨ ਤੋਂ ਬਾਅਦ ਨਵੇਂ ਫੀਚਰ ਨੂੰ ਚੁਣੇ ਗਏ ਬੀਟਾ ਯੂਜ਼ਰਸ ਲਈ ਰੋਲਆਊਟ ਕੀਤਾ ਜਾ ਰਿਹਾ ਹੈ।
