ਨਵੀਂ ਦਿੱਲੀ, ਟੈੱਕ ਡੈਸਕ : ਗੂਗਲ ਦੀ ਵਰਤੋਂ ਭਾਰਤ ਵਿੱਚ ਹਜ਼ਾਰਾਂ ਲੋਕ ਕਰਦੇ ਹਨ, ਜਿਸ ਵਿਚ ਲੋਕ ਇਸਦੇ ਵੱਖ-ਵੱਖ ਪ੍ਰੋਡਕਟਸ ਦੀ ਵਰਤੋਂ ਕਰਦੇ ਹਨ। ਪਿਕਸਲ ਫੋਨ ਵੀ ਇਨ੍ਹਾਂ 'ਚੋਂ ਇਕ ਹੈ, ਜਿਸ ਨੂੰ ਕੰਪਨੀ ਨੇ ਭਾਰਤ 'ਚ ਲਾਂਚ ਕੀਤਾ ਹੈ। ਹਾਲ ਹੀ 'ਚ ਗੂਗਲ ਨੇ ਦੱਸਿਆ ਹੈ ਕਿ ਉਹ ਆਪਣੀ Pixel 6 ਸੀਰੀਜ਼ ਲਈ 5G ਸਪੋਰਟ ਲਿਆ ਰਹੀ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ।
ਗੂਗਲ ਨੇ ਹਾਲ ਹੀ 'ਚ ਭਾਰਤ 'ਚ ਆਪਣੇ Pixel 7 ਸੀਰੀਜ਼ ਦੇ ਸਮਾਰਟਫੋਨਜ਼ ਲਈ 5G ਸਪੋਰਟ ਨੂੰ ਰੋਲਆਊਟ ਕੀਤਾ ਹੈ। ਹੁਣ, ਕੰਪਨੀ ਨੇ ਆਪਣੇ 5ਜੀ ਸਪੋਰਟ ਨੂੰ ਪਿਕਸਲ 6 ਸੀਰੀਜ਼ ਦੇ ਸਮਾਰਟਫੋਨਜ਼ ਲਈ ਵੀ ਰੋਲਆਊਟ ਕਰ ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕੰਪਨੀ ਨੇ ਟਵਿੱਟਰ 'ਤੇ ਐਲਾਨ ਕੀਤਾ ਸੀ ਕਿ ਭਾਰਤ 'ਚ ਹੁਣ Pixel 6 ਸੀਰੀਜ਼ ਦੇ ਸਮਾਰਟਫੋਨਜ਼ ਲਈ 5G ਸਪੋਰਟ ਉਪਲਬਧ ਹੈ।
Google Pixel 6 ਸੀਰੀਜ਼
ਗੂਗਲ ਪਿਕਸਲ 6 ਸੀਰੀਜ਼ ਦੇ ਸਮਾਰਟਫ਼ੋਨਸ 'ਚ ਤਿੰਨ ਸਮਾਰਟਫ਼ੋਨ Pixel 6, Pixel 6 Pro ਅਤੇ Pixel 6a ਸ਼ਾਮਲ ਹਨ। ਗੂਗਲ ਨੇ Pixel 6 ਅਤੇ Pixel 6 Pro ਨੂੰ ਭਾਰਤ 'ਚ ਲਾਂਚ ਨਹੀਂ ਕੀਤਾ ਹੈ ਪਰ ਕੰਪਨੀ ਨੇ Pixel 6a ਨੂੰ ਦੇਸ਼ 'ਚ ਲਾਂਚ ਕੀਤਾ ਹੈ, ਜਿਸ 'ਚ ਹੁਣ 5H ਸਰਵਿਸ ਹੋਵੇਗੀ। 5G ਸਪੋਰਟ ਦੇ ਨਾਲ, Pixel 6a ਨੂੰ ਮਾਰਚ ਮਹੀਨੇ ਲਈ ਸੁਰੱਖਿਆ ਪੈਚ ਵੀ ਮਿਲਿਆ ਹੈ।
ਟਵਿੱਟਰ 'ਤੇ ਦਿੱਤੀ ਜਾਣਕਾਰੀ
ਗੂਗਲ ਇੰਡੀਆ ਨੇ ਟਵੀਟ ਕੀਤਾ ਕਿ PSA - 5G ਫੰਕਸ਼ਨੈਲਿਟੀ ਭਾਰਤ ਵਿੱਚ Pixel 6 ਸੀਰੀਜ਼ ਅਤੇ ਇਸ ਤੋਂ ਵੱਧ 'ਤੇ ਵਰਜ਼ਨ 'ਤੇ ਸ਼ੁਰੂ ਹੋ ਗਈ ਹੈ, ਜੋ ਕਿ ਚੋਣਵੇਂ ਕੈਰੀਅਰਾਂ ਲਈ ਉਪਲਬਧ ਹੈ। ਇਸ ਨਵੀਨਤਮ ਅਪਡੇਟ ਤੋਂ ਬਾਅਦ, Airtel ਜਾਂ Reliance Jio ਕਨੈਕਸ਼ਨ ਵਾਲੇ Google Pixel 6a ਯੂਜ਼ਰਜ਼ ਹੁਣ ਆਪਣੇ ਸਮਾਰਟਫੋਨ 'ਤੇ 5G ਸੇਵਾ ਦੀ ਵਰਤੋਂ ਕਰ ਸਕਦੇ ਹਨ। ਇਸ ਲਈ ਜਦੋਂ ਤੁਹਾਡਾ ਫ਼ੋਨ ਕਿਸੇ ਅਜਿਹੇ ਖੇਤਰ ਵਿੱਚ ਹੁੰਦਾ ਹੈ ਜਿੱਥੇ 5G ਸੇਵਾ ਉਪਲਬਧ ਹੁੰਦੀ ਹੈ, ਤਾਂ ਤੁਸੀਂ ਆਪਣੇ ਸਟੇਟਸ ਬਾਰ ਵਿੱਚ ਇੱਕ 5G ਆਈਕਨ ਦੇਖੋਗੇ। ਦੱਸ ਦੇਈਏ ਕਿ ਆਈਕਨ ਸਾਰੇ 5ਜੀ ਬੈਂਡ ਅਤੇ ਨੈੱਟਵਰਕ ਲਈ ਦਿਖਾਈ ਦੇਵੇਗਾ।
Pixel 6a ਦੇ ਸਪੈਸੀਫਿਕੇਸ਼ਨਜ਼
Google Pixel 6a 'ਚ ਸਕਰੀਨ ਕਾਰਨਿੰਗ ਗੋਰਿੱਲਾ ਗਲਾਸ 3 ਕੋਟਿੰਗ ਦੇ ਨਾਲ, 60Hz ਰਿਫਰੈਸ਼ ਰੇਟ ਦੇ ਨਾਲ ਇਕ 6.1-ਇੰਚ FHD OLED ਡਿਸਪਲੇਅ ਹੈ। ਇਸ ਤੋਂ ਇਲਾਵਾ Pixel 6a ਗੂਗਲ ਦੇ ਆਪਣੇ ਟੈਂਸਰ ਚਿੱਪਸੈੱਟ ਦੇ ਨਾਲ ਆਉਂਦਾ ਹੈ, ਜੋ ਕਿ ਕੰਪਨੀ ਵੱਲੋਂ ਡਿਜ਼ਾਈਨ ਕੀਤੀ ਗਈ ਪਹਿਲੀ ਚਿੱਪ ਹੈ। ਇਹ ਉਹੀ ਚਿੱਪਸੈੱਟ ਹੈ ਜੋ ਪ੍ਰੀਮੀਅਮ ਪਿਕਸਲ 6 ਸੀਰੀਜ਼ ਦੇ ਫੋਨਾਂ - Pixel 6 ਅਤੇ Pixel 6 Pro ਨੂੰ ਵੀ ਪਾਵਰ ਦਿੰਦਾ ਹੈ।
