ਟੈਕ ਡੈਸਕ, ਨਵੀਂ ਦਿੱਲੀ : Amazon Prime ਯੂਜ਼ਰਜ਼ ਲਈ ਬੁਰੀ ਖ਼ਬਰ ਹੈ। ਕੰਪਨੀ ਅਗਲੇ ਹਫ਼ਤੇ 13 ਦਸੰਬਰ ਤੋਂ ਐਮਾਜ਼ੋਨ ਪ੍ਰਾਈਮ ਦੇ ਸਬਸਕ੍ਰਿਪਸ਼ਨ ਪਲਾਨ ਦੀ ਕੀਮਤ ਵਧਾਉਣ ਵਾਲੀ ਹੈ। ਇਸ ਪਲਾਨ ਦੀ ਕੀਮਤ ’ਚ 50 ਫ਼ੀਸਦ ਤਕ ਦਾ ਵਾਧਾ ਹੋ ਸਕਦਾ ਹੈ। ਇਹ ਜਾਣਕਾਰੀ ਕੰਪਨੀ ਦੇ ਸਪੋਰਟ ਪੇਜ ਤੋਂ ਮਿਲੀ ਹੈ।
ਇੰਨੀ ਹੋ ਸਕਦੀ ਹੈ Amazon Prime ਦੇ ਸਬਸਕ੍ਰਿਪਸ਼ਨ ਪਲਾਨ ਦੀ ਕੀਮਤ
ਨਵੀਂ ਕੀਮਤ ਸੂਚੀ ਦੇ ਅਨੁਸਾਰ, ਐਮਾਜ਼ਾਨ ਪ੍ਰਾਈਮ ਦੀ ਸਾਲਾਨਾ ਪ੍ਰਾਈਮ ਮੈਂਬਰਸ਼ਿਪ ਦੀ ਕੀਮਤ 500 ਰੁਪਏ ਹੋਰ ਹੋਵੇਗੀ। ਇਸ ਦਾ ਮਤਲਬ ਹੈ ਕਿ ਸਾਲਾਨਾ ਪਲਾਨ ਜਿਸਦੀ ਹੁਣ 999 ਰੁਪਏ ਕੀਮਤ ਹੈ, 13 ਦਸੰਬਰ ਤੋਂ ਬਾਅਦ ਯੂਜ਼ਰਸ ਨੂੰ ਇਸ ਪਲਾਨ ਲਈ 1,499 ਰੁਪਏ ਖਰਚ ਕਰਨੇ ਪੈਣਗੇ। ਤਿੰਨ ਮਹੀਨੇ ਦੇ ਪੈਕ ਲਈ ਯੂਜ਼ਰਸ ਨੂੰ 329 ਰੁਪਏ ਦੀ ਬਜਾਏ 459 ਰੁਪਏ ਦੇਣੇ ਹੋਣਗੇ। ਜਦੋਂ ਕਿ ਇਕ ਮਹੀਨੇ ਦੇ ਪਲਾਨ ਦੀ ਕੀਮਤ 129 ਦੀ ਬਜਾਏ 179 ਰੁਪਏ ਹੋਵੇਗੀ। ਕੀਮਤ ਵਾਧੇ ਦਾ ਪ੍ਰਾਈਮ ਮੈਂਬਰਾਂ 'ਤੇ ਕੋਈ ਅਸਰ ਨਹੀਂ ਪਵੇਗਾ, ਹਾਲਾਂਕਿ ਮੈਂਬਰਸ਼ਿਪ ਦੀ ਮਿਆਦ ਖਤਮ ਹੋਣ 'ਤੇ ਉਨ੍ਹਾਂ ਨੂੰ ਨਵੀਂ ਕੀਮਤ 'ਤੇ ਸਬਸਕ੍ਰਿਪਸ਼ਨ ਪਲਾਨ ਖਰੀਦਣਾ ਪਵੇਗਾ।
Amazon ਨੇ ਕੁਝ ਮਹੀਨੇ ਪਹਿਲਾਂ ਯੂਥ ਮੈਂਬਰਸ਼ਿਪ ਪਲਾਨ ਲਾਂਚ ਕੀਤਾ ਸੀ। ਇਹ ਯੋਜਨਾਵਾਂ ਵਿਸ਼ੇਸ਼ ਤੌਰ 'ਤੇ 18 ਤੋਂ 24 ਸਾਲ ਦੇ ਨੌਜਵਾਨਾਂ ਲਈ ਪੇਸ਼ ਕੀਤੀਆਂ ਗਈਆਂ ਹਨ। ਨਵੀਂ ਅਪਡੇਟ ਤੋਂ ਬਾਅਦ ਇਨ੍ਹਾਂ ਪਲਾਨ ਦੀ ਕੀਮਤ ਘੱਟ ਜਾਵੇਗੀ। ਉਪਭੋਗਤਾਵਾਂ ਨੂੰ ਮਹੀਨਾਵਾਰ ਅਤੇ ਤਿਮਾਹੀ ਪ੍ਰਾਈਮ ਮੈਂਬਰਸ਼ਿਪ ਲਈ 64 ਰੁਪਏ ਅਤੇ 89 ਰੁਪਏ ਖਰਚ ਕਰਨੇ ਪੈਣਗੇ। ਜਦਕਿ ਇਕ ਸਾਲ ਦਾ ਪਲਾਨ 499 ਰੁਪਏ ਦੀ ਕੀਮਤ 'ਤੇ ਉਪਲਬਧ ਹੋਵੇਗਾ।
