ਏਸ਼ਿਆਈ ਚੈਂਪੀਅਨਸ਼ਿਪ : ਮੁੱਕੇਬਾਜ਼ ਮੀਨਾਕਸ਼ੀ ਤੇ ਪ੍ਰੀਤੀ ਦੇ ਮੈਡਲ ਪੱਕੇ, ਸੈਮੀਫਾਈਨਲ 'ਚ ਬਣਾਈ ਥਾਂ

Posted By : Gurinder SinghSat, 05 Nov 2022 11:21 PM (IST)

ਨਵੀਂ ਦਿੱਲੀ (ਪੀਟੀਆਈ) : ਭਾਰਤੀ ਮਹਿਲਾ ਮੁੱਕੇਬਾਜ਼ ਮੀਨਾਕਸ਼ੀ ਤੇ ਪ੍ਰਰੀਤੀ ਨੇ ਜਾਰਡਨ ਦੇ ਅਮਾਨ ਵਿਚ ਖੇਡੀ ਜਾ ਰਹੀ ਏਸ਼ਿਆਈ ਚੈਂਪੀਅਨਸ਼ਿਪ ਦੇ ਸੈਮੀਫਾਈਨਲ ਵਿਚ ਥਾਂ ਬਣਾ ਲਈ ਹੈ। ਪਹਿਲੀ ਵਾਰ ਇਸ ਟੂਰਨਾਮੈਂਟ ਵਿਚ ਹਿੱਸਾ ਲੈ ਰਹੀਆਂ ਮੀਨਾਕਸ਼ੀ ਤੇ ਪ੍ਰਰੀਤੀ ਨੇ ਘੱਟੋ ਘੱਟ ਕਾਂਸੇ ਦਾ ਮੈਡਲ ਪੱਕਾ ਕਰ ਲਿਆ। ਮੀਨਾਕਸ਼ੀ (52 ਕਿੱਲੋਗ੍ਰਾਮ) ਨੇ ਕੁਆਰਟਰ ਫਾਈਨਲ ਵਿਚ ਚਾਰ ਵਾਰ ਦੀ ਦੱਖਣ ਪੂਰਬ ਏਸ਼ਿਆਈ ਖੇਡਾਂ ਦੀ ਮੈਡਲ ਜੇਤੂ ਫਿਲੀਪੀਨਜ਼ ਦੀ ਆਇਰਿਸ਼ ਮੈਗਨੋ ਨੂੰ ਹਰਾਇਆ। ਮੀਨਾਕਸ਼ੀ ਇਸ ਮੈਚ ਵਿਚ 4-1 ਨਾਲ ਜਿੱਤਣ ਵਿਚ ਕਾਮਯਾਬ ਰਹੀ। ਪ੍ਰਰੀਤੀ (57 ਕਿੱਲੋਗ੍ਰਾਮ) ਨੇ ਉਜ਼ਬੇਕਿਸਤਾਨ ਦੀ ਤੁਰਦੀਬੇਕੋਵਾ ਸਿਤੋਰਾ ਖ਼ਿਲਾਫ਼ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। 2021 ਏਸ਼ਿਆਈ ਯੁਵਾ ਮੁੱਕੇਬਾਜ਼ੀ ਚੈਂਪੀਅਨ ਨੇ 5-0 ਨਾਲ ਇਕਤਰਫ਼ਾ ਜਿੱਤ ਦਰ ਕੀਤੀ। ਮੀਨਾਕਸ਼ੀ ਦਾ ਸਾਹਮਣਾ ਨੌਂ ਨਵੰਬਰ ਨੂੰ ਸੈਮੀਫਾਈਨਲ ਵਿਚ ਮੰਗੋਲੀਆ ਦੀ ਲੁਤਸੈਖਾਨ ਅਲਤਾਂਤਸੇਟਸੇਗ ਨਾਲ ਜਦਕਿ ਪ੍ਰਰੀਤੀ ਦਾ ਸਾਹਮਣਾ ਜਾਪਾਨ ਦੀ ਇਰੀ ਸੇਨਾ ਨਾਲ ਹੋਵੇਗਾ।