ਮਿਆਂਮਾਰ ਨੂੰ 1-0 ਨਾਲ ਹਰਾਉਣ ਤੋਂ ਬਾਅਦ ਬੋਲੇ ਮੁੱਖ ਕੋਚ ਇਗੋਰ ਸਟੀਮਕ, ਕਿਹਾ, ਵੱਡੇ ਫ਼ਰਕ ਨਾਲ ਜਿੱਤ ਸਕਦਾ ਸੀ ਭਾਰਤ

Posted By : Gurinder SinghThu, 23 Mar 2023 09:06 PM (IST)

ਇੰਫਾਲ (ਪੀਟੀਆਈ) : ਭਾਰਤ ਨੇ ਤਿਕੋਣੇ ਅੰਤਰਰਾਸ਼ਟਰੀ ਫੁੱਟਬਾਲ ਟੂਰਨਾਮੈਂਟ ਦੇ ਪਹਿਲੇ ਮੈਚ ਵਿਚ ਮਿਆਂਮਾਰ ਨੂੰ 1-0 ਨਾਲ ਹਰਾਇਆ ਪਰ ਮੁੱਖ ਕੋਚ ਇਗੋਰ ਸਟੀਮਕ ਦਾ ਮੰਨਣਾ ਹੈ ਕਿ ਮੇਜ਼ਬਾਨ ਟੀਮ ਦੇ ਦਬਦਬੇ ਨੂੰ ਦੇਖਦੇ ਹੋਏ ਉਸ ਨੂੰ ਵੱਡੇ ਫ਼ਰਕ ਨਾਲ ਜਿੱਤ ਦਰਜ ਕਰਨੀ ਚਾਹੀਦੀ ਸੀ। ਕਪਤਾਨ ਸੁਨੀਲ ਛੇਤਰੀ ਨਾਲ ਜੁੜੇ ਦੋ ਫ਼ੈਸਲਿਆਂ ਕਾਰਨ ਭਾਰਤ ਦੋ ਗੋਲ ਨਹੀਂ ਕਰ ਸਕਿਆ। ਇਸ ਵਿਚ ਪਹਿਲੇ ਅੱਧ ਵਿਚ ਭਾਰਤ ਨੂੰ ਪੈਲਨਟੀ ਨਹੀਂ ਦਿੱਤੀ ਗਈ ਜਦਕਿ ਇਕ ਮੌਕੇ 'ਤੇ ਆਫਸਾਈਡ ਹੋਣ ਕਾਰਨ ਗੋਲ ਰੱਦ ਕਰ ਦਿੱਤਾ ਗਿਆ। ਸਟੀਮਕ ਨੇ ਕਿਹਾ ਕਿ ਉਨ੍ਹਾਂ ਲਈ ਸਕੋਰ ਲਾਈਨ 1-0 ਨਹੀਂ ਬਲਕਿ 3-0 ਹੈ। ਭਾਰਤੀ ਕੋਚ ਸਟੀਮਕ ਨੇ ਕਿਹਾ ਕਿ ਮੈਂ ਆਪਣੇ ਖਿਡਾਰੀਆਂ ਨੂੰ ਕੁਝ ਨਹੀਂ ਕਹਿ ਸਕਦਾ ਕਿਉਂਕਿ ਉਨ੍ਹਾਂ ਨੇ ਉਸੇ ਤਰ੍ਹਾਂ ਦੀ ਖੇਡ ਦਿਖਾਈ ਜਿਵੇਂ ਅਸੀਂ ਚਾਹੁੰਦੇ ਸੀ।

ਪੰਜਾਬ

ਮਿਆਂਮਾਰ ਨੂੰ 1-0 ਨਾਲ ਹਰਾਉਣ ਤੋਂ ਬਾਅਦ ਬੋਲੇ ਮੁੱਖ ਕੋਚ ਇਗੋਰ ਸਟੀਮਕ, ਕਿਹਾ, ਵੱਡੇ ਫ਼ਰਕ ਨਾਲ ਜਿੱਤ ਸਕਦਾ ਸੀ ਭਾਰਤ

ਤਾਜ਼ਾ ਖ਼ਬਰਾਂ