ਸੁਰਿੰਦਰ ਗੋਇਲ, ਸ਼ਹਿਣਾ : ਭਾਰਤ ਮਾਲਾ ਪ੍ਰਰਾਜੈਕਟ ਤਹਿਤ ਦਿੱਲੀ-ਕੱਟੜਾ ਐਕਸਪ੍ਰਰੈੱਸ-ਵੇਅ ਲਈ ਲੀਲੋ ਕੋਠੇ-ਸੰਧੂ ਕਲਾਂ ਿਲੰਕ ਸੜਕ ਉੱਪਰ ਇਕ ਪ੍ਰਰਾਈਵੇਟ ਕੰਪਨੀ ਦੇ ਠੇਕੇਦਾਰ ਦੇ ਮੁਲਾਜ਼ਮ ਵੱਲੋਂ ਡਰੋਨ ਰਾਹੀਂ ਜ਼ਮੀਨ ਦਾ ਸਰਵੇ ਕਰਨ ਦਾ ਪਤਾ ਲੱਗਦੇ ਹੀ ਵੱਡੀ ਗਿਣਤੀ ਕਿਸਾਨਾਂ ਨੇ ਇਕੱਠੇ ਹੋ ਕੇ ਿਘਰਾਓ ਕਰਕੇ ਬੰਦੀ ਬਣਾ ਲਿਆ। ਵੱਖ-ਵੱਖ ਯੂਨੀਅਨਾਂ ਦੇ ਅਹੁਦੇਦਾਰਾਂ ਤੇ ਆਸ-ਪਾਸ ਦੇ ਇਕੱਤਰ ਹੋਏ ਕਿਸਾਨਾਂ ਨੇ ਕਿਹਾ ਕਿ ਪ੍ਰਸ਼ਾਸਨ ਨੂੰ ਵਾਰ-ਵਾਰ ਬੇਨਤੀਆਂ ਕਰਨ ਤੇ ਕਿਸਾਨਾਂ ਦੇ ਵਿਰੋਧ ਦੇ ਬਾਵਜੂਦ ਸੜਕ ਬਣਾਉਣ ਵਾਲੀਆਂ ਕੰਪਨੀਆਂ ਦੇ ਵੱਖ-ਵੱਖ ਮੁਲਾਜ਼ਮ ਜ਼ਮੀਨਾਂ 'ਚ ਸਰਵੇ ਕਰਨ ਪਹੁੰਚ ਰਹੇ ਹਨ, ਜਿਨ੍ਹਾਂ ਦਾ ਪਹਿਲਾਂ ਵੀ ਿਘਰਾਓ ਕੀਤਾ ਜਾ ਚੁੱਕਿਆ ਹੈ। ਉਨਾਂ੍ਹ ਕਿਹਾ ਕਿ ਸੜਕ ਉਸਾਰੀ ਲਈ ਉਹ ਆਪਣੀ ਜ਼ਮੀਨ ਕਿਸੇ ਵੀ ਕੀਮਤ 'ਤੇ ਨਹੀਂ ਦੇਣਗੇ।
ਇਸ ਮੌਕੇ ਿਘਰਾਓ ਕੀਤੇ ਮੁਲਾਜ਼ਮ ਸੰਦੀਪ ਸਿੰਘ ਵਾਸੀ ਮੁਹਾਲੀ ਨੇ ਦੱਸਿਆ ਕਿ ੳਸ ਨੂੰ ਹਾਟੈਂਕ ਪ੍ਰਰਾਈਵੇਟ ਕੰਪਨੀ ਨੇ ਇੱਥੇ ਸਰਵੇ ਕਰਨ ਲਈ ਭੇਜਿਆ ਸੀ। ਜਿਸ ਤਹਿਤ ਉਹ ਆਪਣੇ ਦੋਸਤ ਨਾਲ ਡਰੋਨ ਰਾਹੀਂ ਸਰਵੇ ਕਰਨ ਲੱਗਾ ਤਾਂ ਕਿਸਾਨਾਂ ਨੇ ਇਕੱਤਰ ਹੋ ਕੇ ਉਨਾਂ੍ਹ ਦਾ ਿਘਰਾਓ ਕਰ ਲਿਆ। ਿਘਰਾਓ ਦੀ ਸੂਚਨਾ ਮਿਲਦੇ ਹੀ ਥਾਣਾ ਸ਼ਹਿਣਾ ਦੀ ਪੁਲਿਸ ਤੋਂ ਇਲਾਵਾ ਉਪ ਕਪਤਾਨ ਪੁਲਿਸ ਤਪਾ ਬਲਜੀਤ ਸਿੰਘ ਬਰਾੜ ਪੁੱਜੇ, ਜਿਨ੍ਹਾਂ ਨੇ ਕਿਸਾਨਾਂ ਨੂੰ ਭਰੋਸਾ ਦਿਵਾਇਆ ਕਿ ਕੋਈ ਵੀ ਕੰਪਨੀ ਦਾ ਕਰਮਚਾਰੀ ਸਰਵੇ ਕਰਨ ਨਹੀਂ ਆਵੇਗਾ ਤੇ ਕੰਪਨੀ ਦੇ ਮੁਲਾਜ਼ਮ ਦਾ ਿਘਰਾਓ ਖਤਮ ਕਰਨ ਦੇਣ, ਪਰ ਕਿਸਾਨ ਜ਼ਿਲ੍ਹਾ ਮਾਲ ਅਫਸਰ ਤੋਂ ਭਰੋਸਾ ਦਿਵਾਉਣ ਦੀ ਮੰਗ 'ਤੇ ਅੜੇ ਰਹੇ। ਖਬਰ ਲਿਖੇ ਜਾਣ ਤਕ ਿਘਰਾਓ ਜਾਰੀ ਸੀ ਤੇ ਤਹਿਸੀਲਦਾਰ ਤਪਾ ਮੌਕੇ 'ਤੇ ਪੁੱਜ ਕੇ ਭਰੋਸਾ ਦਿਵਾਉਣ ਦੀ ਗੱਲ ਚੱਲ ਰਹੀ ਸੀ।
