ਸਕੂਲ 'ਚ ਮਨਾਇਆ ਲੋਹੜੀ ਦਾ ਜਸ਼ਨ

Thu, 13 Jan 2022 03:54 PM (IST)

ਸ਼ੰਭੂ ਗੋਇਲ, ਲਹਿਰਾਗਾਗਾ : ਲੋਹੜੀ ਦੇ ਤਿਉਹਾਰ ਤੇ ਅਕੈਡਮੀਕ ਹਾਈਟਸ ਪਬਲਿਕ ਸਕੂਲ, ਖੋਖਰ ਦੇ ਚੇਅਰਮੈਨ ਸੰਜੇ ਸਿੰਗਲਾ, ਪਿੰ੍ਸੀਪਲ ਵਿਜੈ ਆਨੰਦ ਅਤੇ ਸਟਾਫ਼ ਮੈਂਬਰ ਨੇ ਲੋਹੜੀ ਦੀਆਂ ਖੁਸ਼ੀਆਂ ਬੱਚਿਆ ਨਾਲ਼ ਆਨਲਾਈਨ ਸਾਂਝੀਆਂ ਕੀਤੀਆਂ। ਚੇਅਰਮੈਨ ਸੰਜੇ ਸਿੰਗਲਾ ਅਤੇ ਪਿੰ੍ਸੀਪਲ ਵਿਜੈ ਆਨੰਦ ਨੇ ਲੋਕਾਂ ਨੂੰ ਅਤੇ ਵਿਦਿਆਰਥੀਆ ਨੂੰ ਲੋਹੜੀ ਦੀਆਂ ਵਧਾਈਆਂ ਦਿੰਦੇ ਹੋਏ ਕਿਹਾ ਕਿ ਮੌਜੂਦਾ ਸਮੇਂ 'ਚ ਲੜਕੇ ਅਤੇ ਲੜਕੀਆਂ 'ਚ ਕਿਸੇ ਤਰਾਂ੍ਹ ਦਾ ਕੋਈ ਫ਼ਰਕ ਨਹੀਂ ਹੈ। ਲੜਕੀਆਂ ਕਿਸੇ ਵੀ ਖੇਤਰ 'ਚ ਪਿੱਛੇ ਨਹੀਂ ਹਨ। ਲੜਕੀਆਂ ਨੂੰ ਪੈਰਾਂ 'ਤੇ ਖੜੇ ਕਰਨ ਲਈ ਸਿੱਖਿਅਤ ਕਰਨਾ ਚਾਹੀਦਾ ਹੈ। ਇਸ ਮੌਕੇ ਬੱਚਿਆਂ ਨੇ ਆਨਲਾਈਨ ਲੋਹੜੀ ਦਾ ਤਿਉਹਾਰ ਮਨਾਇਆ ਅਤੇ ਬੱਚਿਆ ਵੱਲੋ ਵੱਖ-ਵੱਖ ਗਤੀਵਿਧੀਆਂ 'ਚ ਭਾਗ ਲਿਆ, ਜਿਵੇਂ ਕਿ ਡਾਂਸ, ਪੋਸਟਰ, ਕਵਿਤਾ ਅਤੇ ਆਪਣੀ ਕਲਾਕਾਰੀ ਦਿਖਾਉਂਦੇ ਹੋਏ ਲੋਹੜੀ ਦੇ ਪੋਸਟਰ ਆਨਲਾਈਨ ਪੇਸ਼ ਕੀਤੇ ਗਏ।