ਗੁਰਜੰਟ ਢੀਂਡਸਾ, ਮੂਨਕ
ਭਾਰਤੀ ਕਿਸਾਨ ਯੂਨੀਅਨ (ਏਕਤਾ ਉਗਰਾਹਾਂ) ਦੇ ਸੂਬਾ ਪੱਧਰੀ ਸੱਦੇ ਤਹਿਤ ਪੰਜਾਬ ਭਰ ਵਿੱਚ ਚੋਣਾਂ ਪ੍ਰਤੀ ਜਾਗਿ੍ਤੀ ਚੇਤਨਾ ਮੁਹਿੰਮ ਵਿੱਢੀ ਗਈ ਹੈ। ਇਸੇ ਤਹਿਤ ਅੱਜ ਭਾਕਿਯੂ (ਏਕਤਾ ਉਗਰਾਹਾਂ) ਬਲਾਕ ਲਹਿਰਾਗਾਗਾ ਵੱਲੋਂ ਪਿੰਡ ਚੂੜਲ ਕਲਾਂ ਵਿਖੇ ਜਾਗਿ੍ਤੀ ਚੇਤਨਾ ਰੈਲੀ ਕੀਤੀ ਗਈ ਜਿਸ ਵਿੱਚ ਜਥੇਬੰਦੀ ਨੇ ਨਾਹਰਾ ਦਿੱਤਾ ਹੈ ਕਿ ਵੋਟਾਂ ਨੇ ਨੀ ਲਾਉਣਾ ਪਾਰ, ਲੜਨਾਂ ਪੈਣਾ ਬੰਨ ਕਤਾਰ । ਇਸ ਮੌਕੇ ਦਰਸਨ ਸਿੰਘ ਚੰਗਾਲੀਵਾਲਾ, ਲੀਲਾ ਸਿੰਘ ਚੋਟੀਆਂ (ਕਾਰਜਕਾਰੀ ਪ੍ਰਧਾਨ), ਬਹਾਦਰ ਸਿੰਘ ਭੁਟਾਲ, ਰਾਮ ਸਿੰਘ ਢੀਂਡਸਾ ਅਤੇ ਮਾਸਟਰ ਗੁਰਚਰਨ ਸਿੰਘ ਖੋਖਰ ਆਦਿ ਕਿਸਾਨ ਆਗੂਆਂ ਨੇ ਕਿਹਾ ਕਿ ਚੋਣਾਂ ਲੜ ਰਹੀਆ ਸਾਰੀਆਂ ਹੀ ਸਿਆਸੀ ਵੋਟ ਪਾਰਟੀਆਂ ਕਿਸਾਨਾਂ, ਮਜ਼ਦੂਰਾਂ ਸਮੇਤ ਸਾਰੇ ਕਿਰਤੀ ਲੋਕਾਂ 'ਚ ਵੰਡੀਆਂ ਪਾ ਕੇ ਉਨਾਂ੍ਹ ਦੀ ਏਕਤਾ ਨੂੰ ਲੀਰੋ-ਲੀਰ ਕਰਦੀਆਂ ਹਨ ਜਦਕਿ ਉਨਾਂ੍ਹ ਦੇ ਭਖਦੇ ਤੇ ਬੁਨਿਆਦੀ ਮਸਲਿਆਂ ਦਾ ਹੱਲ ਏਕਤਾ ਅਤੇ ਸ਼ੰਘਰਸ਼ਾਂ ਰਾਹੀਂ ਹੀ ਹੁੰਦਾ ਹੈ। ਉਨਾਂ੍ਹ ਆਖਿਆ ਕਿ ਚੋਣਾਂ ਵਿੱਚ ਜਾਗਿ੍ਤੀ ਚੇਤਨਾ ਮੁਹਿੰਮ ਦੀ ਠੋਸ ਵਿਉਂਤਬੰਦੀ, ਸਿੱਖਿਆ ਮੁਹਿੰਮ ਦੀ ਤਿਆਰੀ ਵਾਸਤੇ ਹਰ ਪੱਧਰ ਦੀਆਂ ਆਗੂ ਟੀਮਾਂ ਨੂੰ ਲੈਸ ਕਰਨ ਤੇ ਜਥੇਬੰਦਕ ਆਗੂਆਂ ਤੇ ਆਮ ਲੋਕਾਂ ਤੱਕ ਇਸ ਵਿਸ਼ੇ ਵਾਰੇ ਜਥੇਬੰਦੀ ਦੀ ਸਮਝ ਨੂੰ ਲੈ ਕੇ ਜਾਣਾ ਹੋਵੇਗਾ ਤੇ ਲੋਕਾਂ ਦੇ ਸਾਰੇ ਮੁੱਦਿਆਂ ਦਾ ਹੱਲ ਕਰਵਾਉਣਾਂ ਸਾਡਾ ਟੀਚਾ ਹੋਵੇਗਾ। ਇਸ ਮੌਕੇ ਪਿੰਡ ਇਕਾਈ ਪ੍ਰਧਾਨ ਕੁਲਦੀਪ ਸਿੰਘ, ਸੀਨੀਅਰ ਮੀਤ ਪ੍ਰਧਾਨ ਬਰਖਾ ਸਿੰਘਾਂ, ਖਜਾਨਚੀ ਟੋਨੀ ਸਿੰਘ, ਪ੍ਰਰੈਸ ਸਕੱਤਰ ਅਵਤਾਰ ਸਿੰਘ, ਅਜੈਬ ਸਿੰਘ ਅਤੇ ਸੁਨੀਲ ਕੁਮਾਰ ਤੋਂ ਇਲਾਵਾ ਹੋਰ ਨਗਰ ਨਿਵਾਸੀ ਵੀ ਹਾਜ਼ਰ ਸਨ।
