ਨਵਦੀਪ ਢੀਂਗਰਾ, ਪਟਿਆਲਾ : ਵਾਰਿਸ ਪੰਜਾਬ ਦੇ ਅੰਮ੍ਰਿਤਪਾਲ ਸਿੰਘ ਅਜੇ ਤਕ ਲਾਪਤਾ ਹੈ, ਇਕ ਤਾਜ਼ਾ ਸੀਸੀਟੀਵੀ ਫੁਟੇਜ ਵਿਚ ਉਸ ਨੂੰ 19 ਮਾਰਚ ਨੂੰ ਪਟਿਆਲਾ ਵਿਚ ਪੁਲਿਸ ਨੂੰ ਚਕਮਾ ਦੇਣ ਤੋਂ ਬਾਅਦ ਸੈਰ ਕਰਦਿਆਂ ਦੇਖਿਆ ਗਿਆ ਹੈ। ਇਸ ਮਾਮਲੇ ’ਤੇ ਜ਼ਿਲ੍ਹੇ ਦੇ ਪੁਲਿਸ ਅਧਿਕਾਰੀਆਂ ਨੇ ਚੁੱਪੀ ਵੱਟ ਲਈ ਹੈ ਤੇ ਵੀਡੀਓ ਦੀ ਅਧਿਕਾਰਤ ਪੁਸ਼ਟੀ ਕਰਨ ਤੋਂ ਟਾਲ਼ਾ ਵੱਟਿਆ ਜਾ ਰਿਹਾ। ਹਾਲਾਂਕਿ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਟੀਮ ਵੀ ਮੌਕੇ ਵਾਲੀ ਥਾਂ ’ਤੇ ਜਾਇਜ਼ਾ ਲੈਣ ਪੁੱਜੀ ਪਰ ਬਾਅਦ ’ਚ ਉਹ ਵੀ ਮੁੱਕਰ ਗਈ।
ਵਾਇਰਲ ਹੋਈ ਨਵੀਂ ਫੁਟੇਜ ਪਟਿਆਲਾ ਦੇ ਬਾਬਾ ਸ਼੍ਰੀ ਚੰਦ ਕਾਲੋਨੀ ਇਲਾਕੇ ਦੀ ਹੈ ਤੇ ਇਸ ਵਿਚ ਪਹਿਲਾਂ ਇਕ ਔਰਤ ਐਕਟਿਵਾ ’ਤੇ ਆਉਂਦੀ ਦਿਖਾਈ ਦਿੰਦੀ ਹੈ ਜੋ ਸਕੂਟਰੀ ਸੜਕ ’ਤੇ ਲਾ ਕੇ ਘਰ ’ਚ ਜਾਂਦੀ ਹੈ, ਜਿਸ ਦੀ ਛੱਤ ’ਤੇ ਨਿਸ਼ਾਨ ਸਾਹਿਬ ਵਾਲਾ ਝੰਡਾ ਲੱਗਾ ਹੋਇਆ। ਇਸੇ ਘਰ ’ਚੋਂ ਇਕ ਵਿਅਕਤੀ ਬਾਹਰ ਨਿਕਲਦਾ ਦਿਖਾਈ ਦਿੰਦਾ ਹੈ ਜਿਸ ਦੇ ਕਮੀਜ਼, ਪੈਂਟ, ਜੈਕਟ ਤੇ ਪੈਰੀਂ ਚੱਪਲਾਂ ਪਾ ਹੋਈਆਂ ਹਨ। ਵਿਅਕਤੀ ਦੇ ਜਾਣ ਤੋਂ ਕੁਝ ਸਕਿੰਟ ਬਾਅਦ ਹੀ ਔਰਤ ਘਰ ਨੂੰ ਕੁੰਡਾ ਲਾ ਸਕੂਟਰੀ ’ਤੇ ਚਲੀ ਜਾਂਦੀ ਹੈ। ਮੋਬਾਈਲ ’ਤੇ ਗੱਲਾਂ ਕਰਦਾ ਵਿਅਕਤੀ ਗਲੀ ਵਿਚ ਇਧਰ ਓਧਰ ਘੁੰਮ ਰਿਹਾ ਹੈ। ਪਟਿਆਲਾ ਦੇ ਸਰਹੰਦ ਰੋਡ ’ਤੇ ਸਥਿਤ ਬਾਬਾ ਸ਼੍ਰੀ ਚੰਦ ਕਾਲੋਨੀ ਦੀ ਵੀਡੀਓ ਵਿਚ ਦਿਸ ਰਹੇ ਵਿਅਕਤੀ ਦੇ ਅੰਮ੍ਰਿਤਪਾਲ ਸਿੰਘ ਦੀ 19 ਮਾਰਚ ਦੀ ਹੋਣ ਦੇ ਦਾਅਵਾ ਕੀਤਾ ਜਾ ਰਿਹਾ ਹੈ।
---
ਪੁਲਿਸ ਚੁੱਪ ਨੇ ਵਧਾਏ ਭੁਲੇਖੇ
---
ਅੰਮ੍ਰਿਤਪਾਲ ਦੇ ਹਮਾਇਤੀਆਂ ਤੋਂ ਨਹੀਂ ਹੋਈ ਪੁੱਛ-ਪੜਤਾਲ
