ਦੁਕਾਨ 'ਚੋਂ ਸਾਮਾਨ ਲੈ ਕੇ ਚੋਰ ਰਫੂ ਚੱਕਰ

Mon, 24 Jan 2022 05:28 PM (IST)

ਸਟਾਫ ਰਿਪੋਰਟਰ, ਸ੍ਰੀ ਮੁਕਤਸਰ ਸਾਹਿਬ : ਮੁਕਤਸਰ ਦੇ ਸ੍ਰੀ ਰਘੂਨਾਥ ਮੰਦਰ ਸਾਹਮਣੇ ਸਥਿਤ ਟੋਕਿਆਂ ਵਾਲੀ ਦੁਕਾਨ 'ਚੋਂ ਚੋਰ ਬੈਰੰਗ, ਰੇਤੀਆਂ, ਦੋ ਮੋਟਰਾਂ, ਵੈਲਡਿੰਗ ਸੈੱਟ ਤੇ ਹੋਰ ਸਾਮਾਨ ਚੋਰੀ ਕਰ ਕੇ ਰਫੂ ਚੱਕਰ ਹੋ ਗਏ। ਦੁਕਾਨ ਦੇ ਮਾਲਕ ਪਰਮਜੀਤ ਸਿੰਘ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਸਵੇਰੇ ਦੁਕਾਨ ਦਾ ਸ਼ਟਰ ਚੁੱਕਿਆ ਤਾਂ ਅੰਦਰ ਸਾਮਾਨ ਇੱਧਰ-ਉਧਰ ਖਿਲਰਿਆ ਪਿਆ ਸੀ। ਬੈਰੰਗ, ਰੇਤੀਆਂ, ਦੋ ਮੋਟਰਾਂ, ਵੈਲਡਿੰਗ ਸੈਟ ਦੀ ਤਾਰ ਗਾਇਬ ਸੀ। ਦੁਕਾਨਦਾਰ ਅਨੁਸਾਰ ਚੋਰ ਦੁਕਾਨ ਦੀਆਂ ਪੌੜੀਆਂ ਰਾਹੀਂ ਪਿੱਛੋਂ ਚੜ੍ਹ ਕੇ ਆਏ ਤੇ ਸ਼ੀਸੇ ਦੀ ਖਿੜਕੀ ਰਾਹੀਂ ਅੰਦਰ ਦਾਖਲ ਹੋ ਕੇ ਸਾਮਾਨ ਚੋਰੀ ਕਰਕੇ ਲੈ ਗਏ। ਇਸ ਨਾਲ ਉਨ੍ਹਾਂ ਦਾ ਲਗਪਗ 25 ਤੋਂ 30 ਹਜ਼ਾਰ ਰੁਪਇਆ ਦਾ ਨੁਕਸਾਨ ਹੋ ਗਿਆ ਹੈ। ਦੁਕਾਨਦਾਰ ਅਨੁਸਾਰ ਪੁਲਿਸ ਨੂੰ ਸਵੇਰ ਦੀ ਇਤਲਾਹ ਕੀਤੀ ਹੋਈ ਪਰ ਬਾਅਦ ਦੁਪਹਿਰ ਤਕ ਪੁਲਿਸ ਮੌਕਾ ਦੇਖਣ ਨਹੀਂ ਪਹੁੰਚ ਸਕੀ ਸੀ।