ਸੋਸ਼ਲ ਵੈੱਲਫੇਅਰ ਕਲੱਬ ਨੇ 55ਵਾਂ ਟੀਕਾਕਰਨ ਕੈਂਪ ਲਾਇਆ

Sun, 23 Jan 2022 05:15 PM (IST)

ਵਕੀਲ ਮਹਿਰੋਂ, ਮੋਗਾ

ਸੋਸ਼ਲ ਵੈੱਲਫੇਅਰ ਕਲੱਬ ਵੱਲੋਂ ਸਿਹਤ ਵਿਭਾਗ ਦੇ ਸਹਿਯੋਗ ਨਾਲ 55ਵਾਂ ਟੀਕਾਕਰਨ ਕੈਂਪ ਅੱਜ ਸੀਐੱਨਆਈ ਚਰਚ ਨੇੜੇ ਬੱਸ ਸਟੈਂਡ ਮੋਗਾ ਵਿਖੇ ਲਗਾਇਆ ਗਿਆ। ਜਿਸ ਵਿੱਚ ਮੌਸਮ ਬਹੁਤ ਠੰਡਾ ਹੋਣ ਦੇ ਬਾਵਜੂਦ 81 ਲੋਕਾਂ ਦਾ ਟੀਕਾਕਰਨ ਕੀਤਾ ਗਿਆ। ਇਸ ਮੌਕੇ ਕਲੱਬ ਦੇ ਮੁਖੀ ਓ.ਪੀ.ਕੁਮਾਰ ਨੇ ਕਿਹਾ ਕਿ ਇੱਕ ਵਾਰ ਫਿਰ ਕੋਰੋਨਾ ਵਰਗੇ ਕੇਸਾਂ ਵਿੱਚ ਵਾਧਾ ਹੋਣਾ ਸ਼ੁਰੂ ਹੋ ਗਿਆ ਹੈ, ਇਸ ਦੇ ਮੱਦੇਨਜ਼ਰ ਸਾਨੂੰ ਰੁਟੀਨ ਵਿੱਚ ਆਪਣੀ ਸੁਰੱਖਿਆ ਲਈ ਟੀਕਾਕਰਨ ਦੇ ਨਾਲ-ਨਾਲ ਮਾਸਕ ਦੀ ਵਰਤੋਂ ਕਰਨੀ ਚਾਹੀਦੀ ਹੈ ਅਤੇ ਸਮਾਜਿਕ ਦੂਰੀ ਦਾ ਵੀ ਧਿਆਨ ਰੱਖਣਾ ਚਾਹੀਦਾ ਹੈ। ਇਸ ਮੌਕੇ ਝਲਮਣ ਦਾਸ, ਰਜਿੰਦਰ ਵਿੱਕੀ, ਸੁਰਜੀਤ ਸਿੰਘ, ਵਿਨੈ, ਲਕਸ਼ਮੀ ਚੰਦਰ, ਐਡਵੋਕੇਟ ਅਸ਼ਵਨੀ ਕੁਮਾਰ, ਵਿਸ਼ਵਾ ਗਰੋਵਰ ਆਦਿ ਮੈਂਬਰ ਹਾਜ਼ਰ ਸਨ।