ਜਾ.ਸ. ਜਲੰਧਰ : ਨੈਸ਼ਨਲ ਟੀਚਰ ਐਵਾਰਡ ਲਈ ਅਪਲਾਈ ਕਰਨ ਦੀ ਸਮਾਂ ਹੱਦ ਨੂੰ ਵਧਾਇਆ ਗਿਆ ਹੈ। ਐਮਐਚਆਰਡੀ ਵੱਲੋਂ 10 ਦਿਨਾਂ ਦਾ ਵਾਧਾ ਕੀਤਾ ਹੈ ਤਾਂ ਜੋ ਐਵਾਰਡ ਲਈ ਕੋਈ ਵੀ ਯੋਗ ਅਧਿਆਪਕ ਅਪਲਾਈ ਕਰਨ ਤੋਂ ਵਾਂਝਾ ਨਾ ਰਹਿ ਜਾਵੇ। ਇਸ ਲਈ ਅਪਲਾਈ ਕਰਨ ਦੀ ਹੁਣ ਆਖਰੀ ਤਰੀਕ 30 ਜੂਨ ਹੈ ਜਦਕਿ ਪਹਿਲਾਂ ਇਹ 20 ਜੂਨ ਸੀ। ਦੱਸ ਦੇਈਏ ਕਿ ਇਸ ਐਵਾਰਡ ਲਈ ਉਹੀ ਅਧਿਆਪਕ ਅਪਲਾਈ ਕਰ ਸਕਦੇ ਹਨ, ਜਿਨ੍ਹਾਂ ਨੇ ਵਿੱਦਿਆ ਦੇ ਖੇਤਰ ਵਿਚ ਨਵੇਂ ਪ੍ਰਯੋਗ ਅਤੇ ਤਰੀਕਿਆਂ ਜ਼ਰੀਏ ਵਿਦਿਆਰਥੀਆਂ ਦੀ ਬਿਹਤਰੀ ਲਈ ਬਿਹਤਰੀਨ ਕੋਸ਼ਿਸ਼ਾਂ ਕੀਤੀਆਂ ਹੋਣ, ਜਿਸ ਦਾ ਅਸਰ ਵਿਦਿਆਰਥੀਆਂ ਵਿਚ ਕੁਆਲਿਟੀ ਐਜੂਕੇਸ਼ਨ ਅਤੇ ਉਨ੍ਹਾਂ ਦੇ ਸਾਲਾਨਾ ਨਤੀਜਿਆਂ ਵਿਚ ਵੀ ਨਜ਼ਰ ਆਇਆ ਹੋਵੇ। ਸਕੂਲ ਦੇ ਇੰਫਰਾਸਟ੍ਰਕਚਰ ਅਤੇ ਸਮਾਜ ਦੇ ਵਿਕਾਸ ਲਈ ਬਿਹਤਰੀਨ ਸੇਵਾਵਾਂ ਹੋਣ।
ਦੇਸ਼ ਦੇ ਸਰਵੋਤਮ 32 ਸ਼ਾਨਦਾਰ ਸੇਵਾਵਾਂ ਦੇਣ ਵਾਲੇ ਅਧਿਆਪਕਾਂ ਨੂੰ 5 ਸਤੰਬਰ ਨੂੰ ਰਾਸ਼ਟਰਪਤੀ ਵੱਲੋਂ ਇਹ ਐਵਾਰਡ ਦਿੱਤਾ ਜਾਵੇਗਾ। ਬਸ਼ਰਤੇ ਕਿ ਅਧਿਆਪਕ ਵਜੋਂ ਸੇਵਾ ਦੀ ਮਿਆਦ ਦਸ ਸਾਲ ਹੋਵੇ ਅਤੇ ਜੇਕਰ ਕੋਈ ਪ੍ਰਿੰਸੀਪਲ ਅਪਲਾਈ ਕਰਦਾ ਹੈ, ਤਾਂ ਉਸ ਦਾ ਪ੍ਰਿੰਸੀਪਲ ਵਜੋਂ ਕਾਰਜਕਾਲ ਪੰਜ ਸਾਲ ਪੂਰਾ ਹੋਣਾ ਚਾਹੀਦਾ ਹੈ। ਸਕੂਲ, ਵਿਦਿਆਰਥੀਆਂ ਸਮੇਤ, ਜਿਨ੍ਹਾਂ ਨੇ ਸਿੱਖਿਆ ਲਈ ਵਿਲੱਖਣ ਸਫਲ ਪ੍ਰਯੋਗ ਦਿਖਾਏ ਹਨ, ਅਪਲਾਈ ਕਰਨ ਦੇ ਹੱਕਦਾਰ ਹਨ।
ਦੱਸ ਦੇਈਏ ਕਿ ਇਹ ਐਪਲੀਕੇਸ਼ਨ CBSE ਤੋਂ ਹੋਵੇ ਜਾਂ PSEB ਨਾਲ ਸੰਬੰਧਿਤ ਸਕੂਲਾਂ ਦੇ ਅਧਿਆਪਕਾਂ ਦੀ ਹੋਣੀ ਚਾਹੀਦੀ ਹੈ। ਸਾਰੇ ਅਪਲਾਈ ਕਰਨ ਦੇ ਯੋਗ ਹਨ। ਇਸ ਤੋਂ ਇਲਾਵਾ ਕੇਂਦਰੀ ਵਿਦਿਆਲਿਆ, ਜਵਾਹਰ ਨਵੋਦਿਆ ਵਿਦਿਆਲਿਆ ਸਮੇਤ ਕਿਸੇ ਵੀ ਹੋਰ ਬੋਰਡ ਨਾਲ ਸਬੰਧਤ ਅਧਿਆਪਕ ਕਰ ਸਕਦੇ ਹਨ। ਇੰਨਾ ਹੀ ਨਹੀਂ, ਜਿਹੜੇ ਅਧਿਆਪਕ ਪਹਿਲਾਂ ਹੀ ਨੈਸ਼ਨਲ ਐਵਾਰਡ ਜਿੱਤ ਚੁੱਕੇ ਹਨ, ਉਹ ਵੀ ਅਪਲਾਈ ਕਰ ਸਕਦੇ ਹਨ। ਵਧੀਆ ਅਧਿਆਪਕਾਂ ਦੀ ਚੋਣ ਉਨ੍ਹਾਂ ਦੀ ਯੋਗਤਾ ਅਤੇ ਕੰਮ ਦੇ ਆਧਾਰ 'ਤੇ ਹੀ ਅੰਕ ਦੇ ਕੇ ਕੀਤੀ ਜਾਵੇਗੀ। ਇਸ ਦੇ ਲਈ 100 ਅੰਕਾਂ ਦਾ ਮਾਪਦੰਡ ਰੱਖਿਆ ਗਿਆ ਹੈ ਅਤੇ ਸਭ ਤੋਂ ਵੱਧ ਅੰਕ ਪ੍ਰਾਪਤ ਕਰਨ ਵਾਲਾ ਪੁਰਸਕਾਰ ਦਾ ਹੱਕਦਾਰ ਹੋਵੇਗਾ। ਅਧਿਆਪਕ ਅਤੇ ਪ੍ਰਿੰਸੀਪਲ https://www.jagran.com/punjab/jalandhar-city-national-teacher-award-application-deadline-extended-by-ten-days-jalandhar-news-22826080.html ਲਿੰਕ 'ਤੇ 30 ਜੂਨ ਤਕ ਅਪਲਾਈ ਕਰ ਸਕਦੇ ਹੋ।
ਸੂਬਾ ਕਮੇਟੀ ਤਿੰਨ ਅਧਿਆਪਕਾਂ ਦੀ ਸੂਚੀ ਬਣਾ ਕੇ ਰਾਸ਼ਟਰੀ ਜਿਊਰੀ ਨੂੰ ਭੇਜੇਗੀ।
1 ਤੋਂ 15 ਜੁਲਾਈ ਤੱਕ ਸਾਰੀਆਂ ਜ਼ਿਲ੍ਹਾ ਚੋਣ ਕਮੇਟੀਆਂ ਲਈ ਨਾਮਜ਼ਦਗੀਆਂ ਆਨਲਾਈਨ ਪੋਰਟਲ ਰਾਹੀਂ ਰਾਜ ਚੋਣ ਕਮੇਟੀਆਂ ਨੂੰ ਭੇਜੀਆਂ ਜਾਣਗੀਆਂ।
16 ਤੋਂ 30 ਜੁਲਾਈ ਤੱਕ ਸੂਬਾ ਕਮੇਟੀ ਦੇ ਤਿੰਨ ਅਧਿਆਪਕਾਂ ਨੂੰ ਆਨਲਾਈਨ ਪੋਰਟਲ ਰਾਹੀਂ ਸ਼ਾਰਟਲਿਸਟ ਕਰਕੇ ਸੁਤੰਤਰ ਰਾਸ਼ਟਰੀ ਜਿਊਰੀ ਨੂੰ ਭੇਜਿਆ ਜਾਵੇਗਾ।
2 ਅਗਸਤ ਨੂੰ ਚੁਣੇ ਗਏ ਅਧਿਆਪਕਾਂ ਨੂੰ ਰਾਸ਼ਟਰੀ ਜਿਊਰੀ ਦੇ ਸਾਹਮਣੇ ਆਪਣੀ ਪੇਸ਼ਕਾਰੀ ਦੇਣੀ ਹੋਵੇਗੀ।
ਅੰਤਿਮ ਚੋਣ ਪ੍ਰਕਿਰਿਆ 5 ਤੋਂ 15 ਅਗਸਤ ਤੱਕ ਮੁਕੰਮਲ ਹੋਵੇਗੀ।
16 ਅਗਸਤ ਨੂੰ ਆਖ਼ਰਕਾਰ ਨੈਸ਼ਨਲ ਐਵਾਰਡ ਲਈ ਅਧਿਆਪਕਾਂ ਦੀ ਚੋਣ ਕੀਤੀ ਜਾਵੇਗੀ।
5 ਸਤੰਬਰ ਨੂੰ ਚੁਣੇ ਗਏ ਅਧਿਆਪਕਾਂ ਨੂੰ ਰਾਸ਼ਟਰਪਤੀ ਵੱਲੋਂ ਇਨਾਮ ਦਿੱਤੇ ਜਾਣਗੇ।
