ਟਰੈਕਟਰ ਬੇਕਾਬੂ ਹੋ ਕੇ ਘਰ 'ਚ ਵੜਿਆ

Mon, 17 Jan 2022 04:07 PM (IST)

ਕਮਲ, ਹਰਿਆਣਾ : ਹਰਿਆਣਾ-ਦਸੂਹਾ ਮੁੱਖ ਸੜਕ 'ਤੇ ਅੱਡਾ ਹਰਿਆਣਾ ਦੇ ਨਜ਼ਦੀਕ ਇਕ ਟਰੈਕਟਰ ਬੇਕਾਬੂ ਹੋ ਕੇ ਕੰਧ ਨੂੰ ਤੋੜ ਕੇ ਇਕ ਘਰ 'ਚ ਜਾ ਵੜਿਆ। ਸੰਯੋਗਵਸ਼ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਘਰ ਦੇ ਮਾਲਿਕ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਸੋਮਵਾਰ ਸਵੇਰੇ ਕਰੀਬ ਸਾਢੇ 7 ਵਜੇ ਇਕ ਟਰੈਕਟਰ ਜਿਸ ਦੇ ਪਿੱਛੇ ਇਕ ਟਰੱਕ ਨੁਮਾ ਟਰਾਲੀ ਵੀ ਸੀ, ਬੇਕਾਬੂ ਹੋ ਕੇ ਘਰ ਦੇ ਗੇਟ ਤੇ ਕੰਧ ਨੂੰ ਤੋੜ ਕੇ ਅੰਦਰ ਜਾ ਵੜਿਆ। ਧਮਾਕੇ ਦੀ ਅਵਾਜ਼ ਸੁਣ ਕੇ ਘਰ ਦੇ ਲੋਕ ਤੇ ਹੋਰ ਆਸ ਪਾਸ ਦੇ ਲੋਕ ਇਕੱਠੇ ਹੋ ਗਏ। ਘਰ ਦੇ ਨਾਲ ਲੱਗਦੀ ਇਕ ਦੁਕਾਨ ਦਾ ਵੀ ਕਾਫ਼ੀ ਨੁਕਸਾਨ ਹੋਇਆ। ਉਨ੍ਹਾਂ ਦੱਸਿਆ ਕਿ ਹਾਦਸੇ ਮੌਕੇ ਇਕ ਬੱਚੀ ਗੇਟ ਦੇ ਨੇੜੇ ਬੁਰਸ਼ ਕਰ ਰਹੀ ਸੀ ਜੋ ਵਾਲ-ਵਾਲ ਬਚ ਗਈ। ਟਰੈਕਟਰ ਚਾਲਕ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਘਟਨਾ ਬਾਰੇ ਹਰਿਆਣਾ ਪੁਲਿਸ ਨੂੰ ਇਤਲਾਹ ਦੇ ਦਿੱਤੀ ਗਈ ਹੈ।

ਪੰਜਾਬ

ਟਰੈਕਟਰ ਬੇਕਾਬੂ ਹੋ ਕੇ ਘਰ 'ਚ ਵੜਿਆ

ਤਾਜ਼ਾ ਖ਼ਬਰਾਂ

ਸੰਬੰਧਿਤ ਖ਼ਬਰਾਂ