ਕਾਰ ਨੂੰ ਮਾਰੀ ਟੱਕਰ, ਚਾਲਕ ਟਰੱਕ ਸਣੇ ਫ਼ਰਾਰ

Mon, 05 Dec 2022 03:00 AM (IST)

ਸਚਿਨ ਮਿੱਢਾ, ਜਲਾਲਾਬਾਦ

ਐਤਵਾਰ ਸਵੇਰ ਤੋਂ ਆਸਮਾਨ 'ਚ ਕੋਹਰੇ ਦੀ ਚਾਦਰ ਛਾਈ ਹੋਈ ਸੀ ਤੇ ਥੋੜ੍ਹੀ ਜਿਹੀ ਦੂਰੀ 'ਤੇ ਵੀ ਕੁਝ ਦਿਖਾਈ ਨਹੀ ਦੇ ਰਿਹਾ ਸੀ। ਜਿਸ ਦੇ ਚੱਲਦਿਆਂ ਇੱਕ ਤੇਜ਼ ਰਫਤਾਰ ਟਰੱਕ ਨੇ ਓਵਰਟੇਕ ਕਰਦੇ ਸਮੇਂ ਕਾਰ ਨੂੰ ਜਬਰਦਸਤ ਟੱਕਰ ਮਾਰ ਦਿੱਤੀ ਤੇ ਕਾਰ ਬੁਰੀ ਤਰਾਂ੍ਹ ਨੁਕਸਾਨੀ ਗਈ ਤੇ ਸੁੱਖਦ ਇਹ ਰਿਹੈ ਕਿ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਤੇ ਟਰੱਕ ਚਾਲਕ ਆਪਣੀ ਗੱਲਤੀ ਨੂੰ ਵੇਖਦਿਆਂ ਮੌਕੇ ਤੋਂ ਟਰੱਕ ਸਣੇ ਫਰਾਰ ਹੋ ਗਿਆ। ਰਾਹਗੀਰਾਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨਜਦੀਕੀ ਪਿੰਡ ਭਾਬੜਾ ਵਿਖੇ ਇੱਕ ਲੜਕੀ ਦਾ ਵਿਆਹ ਸੀ ਤੇ ਉਹ ਤਿਆਰ ਹੋਣ ਲਈ ਜਲਾਲਾਬਾਦ ਬਿਊਟੀ ਪਾਰਲਰ ਗਈ ਹੋਈ ਸੀ ਤੇ ਫੋਟੋ ਗ੍ਰਾਫਰ ਪਿੰਡ ਭਾਬੜਾ ਤੋਂ ਲੜਕੀ ਦੇ ਸ਼ੋਟ ਕਰਨ ਲਈ ਜਲਾਲਾਬਾਦ ਆਪਣੀ ਕਾਰ 'ਤੇ ਸਵਾਰ ਹੋ ਕੇ ਆ ਰਹੇ ਸਨ ਤੇ ਇੱਕ ਤੇਜ਼ ਰਫਤਾਰ ਟਰੱਕ ਨੇ ਓਵਰਟੈਕ ਕਰਦੇ ਸਮੇਂ ਕਾਰ ਨੂੰ ਜਬਰਦਸਤ ਟੱਕਰ ਮਾਰ ਦਿੱਤੀ ਤੇ ਕਾਰ ਨੁਕਸਾਨੀ ਗਈ ਤੇ ਕਾਰ ਸਵਾਰਾਂ ਦੀ ਬਚਤ ਰਹਿ ਗਈ। ਉਨਾਂ੍ਹ ਕਿਹਾ ਕਿ ਇਨੀ ਧੁੰਦ ਦੇ ਚੱਲਦਿਆਂ ਕਾਰ ਚਾਲਕ ਨੇ ਲਾਇਟਾਂ ਵੀ ਚਲਾ ਰੱਖਿਆਂ ਸਨ, ਪਰ ਟਰੱਕ ਡਰਾਇਵਰ ਦੀ ਲਾਅਪ੍ਰਵਾਹੀ ਕਾਰਨ ਇਹ ਹਾਦਸਾ ਵਾਪਰਿਆ ਹੈ ਤੇ ਉਹ ਮੌਕੇ ਤੋਂ ਟਰੱਕ ਸਮੇਤ ਫਰਾਰ ਹੋ ਗਿਆ।