ਮੰਡੀ ਲਾਧੂਕਾ ਇਲਾਕੇ 'ਚ ਕਈ ਕਿਸਾਨਾਂ ਨੇ ਕੀਤੀ ਝੋਨੇ ਦੀ ਸਿੱਧੀ ਬਿਜਾਈ

Tue, 24 May 2022 05:01 PM (IST)

ਜਿਲ੍ਹੇ ਸਿੰਘ, ਮੰਡੀ ਲਾਧੂਕਾ

ਮੰਡੀ ਲਾਧੂਕਾ ਇਲਾਕੇ ਦੇ ਕਈ ਪਿੰਡਾਂ ਦੇ ਕਿਸਾਨਾ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਹੁਕਮਾਂ ਤਹਿਤ ਝੋਨੇ ਦੀ ਕੀਤੀ ਸਿੱਧੀ ਬਿਜਾਈ। ਮੰਡੀ ਲਾਧੂਕਾ ਦੇ ਕਿਸਾਨ ਗੁਰਦੀਪ ਸਿੰਘ ਵਲੋਂ ਖੇਤੀ ਤੇ ਹੋ ਰਹੇ ਵਧੇਰੇ ਖਰਚਿਆਂ ਤੋਂ ਬਚਣ ਲਈ ਝੋਨੇ ਦੀ 15 ਏਕੜ, ਕਿਸਾਨ ਰਣਜੀਤ ਸਿੰਘ ਨੇ 24 ਏਕੜ, ਬਲਦੇਵ ਸਿੰਘ ਨੇ 7 ਏਕੜ, ਗੋਲਡੀ ਕਾਠਪਾਲ ਨੇ 11 ਏਕੜ ਝੋਨੇ ਦੀ ਸਿੱਧੀ ਬਿਜਾਈ ਕੀਤੀ ਹੈ। ਗੱਲਬਾਤ ਕਰਦਿਆਂ ਕਿਸਾਨਾ ਨੇ ਦੱਸਿਆ ਕਿ ਯੂਨੀਵਰਸਿਟੀ ਵਲੋਂ ਹੀ ਤਿਆਰ ਮਸ਼ੀਨਾਂ ਨਾਲ ਅਸੀ ਆਪਣੇ- ਆਪਣੇ ਖੇਤਾਂ ਵਿਚ ਝੋਨੇ ਦੀ ਸਿੱਧੀ ਬਿਜਾਈ ਕੀਤੀ ਹੈ, ਅਤੇ ਪ੍ਰਤੀ ਏਕੜ 6 ਤੋਂ 8 ਕਿਲੋ ਤੱਕ ਬੀਜ ਪਾਈਆ ਹੈ। ਇਸ ਮੌਕੇ ਤੇ ਕਿਸਾਨ ਜਸਵਿੰਦਰ ਸਿੰਘ ਬਰਾੜ, ਨੀਲੂ ਸਿੰਘ, ਗੁਰਵਿੰਦਰ ਬਰਾੜ, ਜਗਦੀਪ ਗਿੱਲ, ਸਰਦੂਲ ਸਿੰਘ, ਪਰਮਪਾਲ ਸਿੰਘ, ਅਭੀਜੋਤ ਬਰਾੜ ਆਦਿ ਹਾਜ਼ਰ ਸਨ।