ਖੇਤੀਬਾੜੀ ਵਿਭਾਗ ਤੇ ਯੂਨੀਵਰਸਿਟੀ ਨੇ ਸੂਰਜਮੁਖੀ 'ਤੇ ਕੀਟਾਂ ਦੇ ਹੋਏ ਹਮਲੇ ਦਾ ਨੋਟਿਸ ਲਿਆ

Mon, 23 May 2022 07:58 PM (IST)

ਹਰਪ੍ਰਰੀਤ ਸਿੰਘ ਗਿੱਲ, ਫਤਹਿਗੜ੍ਹ ਸਾਹਿਬ : ਤੇਲ ਬੀਜ ਫ਼ਸਲ ਸੂਰਜਮੁਖੀ ਤੇ ਹੋਏ ਕੀਟਾਂ ਦੇ ਹਮਲੇ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਖੇਤੀਬਾੜੀ ਵਿਭਾਗ ਦੇ ਨਿਰਦੇਸ਼ਕ ਗੁਰਵਿੰਦਰ ਸਿੰਘ ਵੱਲੋਂ ਰਾਜ ਦੇ ਮੁੱਖ ਜ਼ਿਲ੍ਹਾ ਖੇਤੀਬਾੜੀ ਅਫਸਰਾਂ ਨੂੰ ਨਿਰਦੇਸ਼ ਜਾਰੀ ਕੀਤੇ ਹਨ ਕਿ ਉਹ ਆਪੋ ਆਪਣੇ ਜਿਲਿ੍ਹਆਂ ਵਿਚ ਜਿੱਥੇ ਕਿਤੇ ਕਿਸਾਨਾਂ ਨੇ ਸੂਰਜਮੁਖੀ ਦੀ ਕਾਸ਼ਤ ਕੀਤੀ ਹੈ, ਦਾ ਦੌਰਾ ਕਰਕੇ ਨਰੀਖਣ ਕਰਨ ਤੇ ਕਿਸਾਨਾਂ ਦਾ ਮਾਰਗ ਦਰਸ਼ਨ ਕਰਨ।

ਵਰਨਣਯੋਗ ਹੈ ਕਿ ਲੰਘੇ ਐਤਵਾਰ ਨੂੰ ਪੰਜਾਬੀ ਜਾਗਰਣ ਵਿਚ ਵਿਸਥਾਰਤ ਰਿਪੋਰਟ ਪ੍ਰਕਾਸ਼ਤ ਕੀਤੀ ਗਈ ਸੀ। ਇਸ 'ਤੇ ਕਾਰਵਾਈ ਕਰਦੇ ਹੋਏ ਸੂਬੇ ਦੇ ਮੁੱਖ ਖੇਤੀਬਾੜੀ ਦਫ਼ਤਰ ਨੇ ਉਪਰੋਕਤ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਹਨ।ਦੂਜੇ ਪਾਸੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਨੇ ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲਿਆ ਹੈ ਕਿਉਂਕਿ ਡਾਇਰੈਕਟਰ ਖੋਜ ਏਐਸ ਢੱਟ ਨੇ ਫੋਨ 'ਤੇ ਗੱਲ ਕਰਦਿਆਂ ਦਸਿਆ ਕਿ ਇਸ ਸਮੱਸਿਆ ਦੀ ਤਹਿ ਤਕ ਜਾਣ ਲਈ ਕੀਟ ਵਿਗਿਆਨੀਆਂ ਦੀ ਵਿਸ਼ੇਸ ਡਿਊਟੀ ਲਗਾਈ ਹੈ। ਕਿ੍ਸ਼ੀ ਵਿਗਿਆਨ ਕੇਂਦਰ ਵਲੋਂ ਕੁਝ ਸੈਂਪਲ ਪ੍ਰਭਾਵਤ ਖੇਤਾਂ ਵਿੱਚੋਂ ਇਕੱਠੇ ਕਰ ਤੇਲਬੀਜ ਫ਼ਸਲਾਂ ਦੇ ਸੀਨੀਅਰ ਕੀਟ ਵਿਗਿਆਨੀ ਡਾ. ਸਰਵਨ ਕੁਮਾਰ ਕੋਲ ਭੇਜੇ ਦਿੱਤੇ ਗਏ ਹਨ।

ਪੰਜਾਬ

ਖੇਤੀਬਾੜੀ ਵਿਭਾਗ ਤੇ ਯੂਨੀਵਰਸਿਟੀ ਨੇ ਸੂਰਜਮੁਖੀ 'ਤੇ ਕੀਟਾਂ ਦੇ ਹੋਏ ਹਮਲੇ ਦਾ ਨੋਟਿਸ ਲਿਆ

ਤਾਜ਼ਾ ਖ਼ਬਰਾਂ

ਸੰਬੰਧਿਤ ਖ਼ਬਰਾਂ