ਅੌਰਤ ਨੇ ਖਪਤਕਾਰ ਨੂੰ ਲਾਇਆ ਲੱਖ ਰੁਪਏ ਤੋਂ ਵੀ ਜ਼ਿਆਦਾ ਦਾ ਚੂਨਾ

Wed, 30 Nov 2022 06:50 PM (IST)

ਸਟਾਫ ਰਿਪੋਰਟਰ, ਕੋਟਕਪੂਰਾ : ਸਥਾਨਕ ਲੱਭੂ ਰਾਮ ਗਲੀ ਵਸਨੀਕ ਵਿਨੈ ਚਾਵਲਾ ਪੁੱਤਰ ਤਿਲਕ ਰਾਜ ਚਾਵਲਾ ਨਾਲ ਵੀ ਸਾਈਬਰ ਕ੍ਰਾਈਮ ਨਾਲ ਜੁੜੇ ਇਕ ਠੱਗ ਵੱਲੋਂ ਅਨੌਖੇ ਢੰਗ ਨਾਲ ਠੱਗੀ ਮਾਰੇ ਜਾਣ ਦੀ ਖ਼ਬਰ ਮਿਲੀ ਹੈ। ਐੱਸਬੀਆਈ ਬੈਂਕ ਕ੍ਰੈਡਿਟ ਕਾਰਡ ਦੀ ਮੁਲਾਜ਼ਮ ਦੱਸ ਕੇ ਠੱਗ ਅੌਰਤ ਨੇ ਵਿਨੈ ਚਾਵਲਾ ਨੂੰ ਆਖਿਆ ਕਿ ਉਹ ਐੱਸਬੀਆਈ ਬੈਂਕ ਦੀ ਮੋਬਾਈਲ ਐਪਲੀਕੇਸ਼ਨ ਡਾਊਨਲੋਡ ਕਰੇ ਤੇ ਮੋਬਾਈਲਾਂ ਦਾ ਕਾਰੋਬਾਰ ਹੋਣ ਕਰ ਕੇ ਵਿਨੈ ਚਾਵਲਾ ਨੇ ਜਦੋਂ ਉਕਤ ਿਲੰਕ ਕਲਿਕ ਕਰ ਕੇ ਡਾਊਨਲੋਡ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਦਾ ਮੋਬਾਈਲ ਹੈਕ ਹੋ ਗਿਆ। ਫੋਨ ਚੱਲਣ ਅਰਥਾਤ ਮੈਸੇਜ ਆਉਣ ਤੋਂ ਬਾਅਦ ਪਤਾ ਲੱਗਾ ਕਿ ਠੱਗ ਅੌਰਤ ਨੇ ਉਸ ਦੇ ਦੋ ਕ੍ਰੈਡਿਟ ਕਾਰਡਾਂ ਵਿਚੋਂ ਲੜੀਵਾਰ 84 ਹਜ਼ਾਰ ਰੁਪਏ ਅਤੇ 23 ਹਜ਼ਾਰ ਰੁਪਏ ਕੱਢ ਲਏ। ਭਾਵੇਂ ਖਪਤਕਾਰ ਨੇ ਪੁਲਿਸ ਥਾਣੇ, ਸਾਈਬਰ ਕ੍ਰਾਈਮ ਦਫ਼ਤਰ ਅਤੇ ਐੱਸਬੀਆਈ ਬੈਂਕ ਦੀ ਬ੍ਾਂਚ ਵਿਚ ਲਿਖਤੀ ਸ਼ਿਕਾਇਤਾਂ ਦੇ ਕੇ ਆਪਣੇ ਖਾਤੇ ਵੀ ਬੰਦ ਕਰਵਾ ਲਏ ਹਨ ਪਰ ਇਸ ਤਰ੍ਹਾਂ ਦੀਆਂ ਠੱਗੀਆਂ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। ਇਕ ਬੈਂਕ ਮੈਨੇਜਰ ਨੇ ਦਾਅਵਾ ਕੀਤਾ ਕਿ ਜੇਕਰ ਤੁਰੰਤ ਕਾਰਵਾਈ ਕੀਤੀ ਜਾਵੇ ਤਾਂ ਅਜਿਹੇ ਠੱਗਾਂ ਨੂੰ ਆਸਾਨੀ ਨਾਲ ਕਾਬੂ ਕੀਤਾ ਜਾ ਸਕਦਾ ਹੈ।