'ਆਪ' ਦੇ ਪੋਸਟਰ ਪਾੜਨ ਤੇ ਵਰਕਰਾਂ 'ਚ ਰੋਸ

Fri, 21 Jan 2022 07:16 PM (IST)

ਅਰਸ਼ਦੀਪ, ਸਾਦਿਕ

ਪਿੰਡ ਦੀਪ ਸਿੰਘ ਵਾਲਾ ਵਿਖੇ 'ਆਪ' ਉਮੀਦਵਾਰ ਗੁਰਦਿੱਤ ਸਿੰਘ ਸੇਖੋਂ ਦੇ ਪੋਸਟਰ ਪਾੜੇ ਜਾਣ ਕਾਰਨ ਉਨਾਂ ਦੇ ਸਮਰਥਕਾਂ ਵਿੱਚ ਰੋਸ ਤੇ ਗੁੱਸਾ ਪਾਇਆ ਜਾ ਰਿਹਾ ਹੈ । ਇਸ ਸਬੰਧੀ ਗੁਰਪ੍ਰਰੀਤ ਸਿੰਘ ਪਵਾਰ ਨੇ ਦੱਸਿਆ ਕਿ ਲੱਖਾ ਸਿੰਘ ਪੁੱਤਰ ਜੋਗਿੰਦਰ ਸਿੰਘ, ਬਲਕਾਰ ਸਿੰਘ ਅਤੇ ਹੋਰ ਕਈ ਥਾਂਈ ਲੱਗੇ ਫਲੈਕਸ ਪੋਸਟਰ ਵਿਰੋਧੀ ਨੇ ਪਾੜ ਦਿੱਤੇ ਹਨ । ਉਨਾਂ ਦੂਸਰੀਆਂ ਸਿਆਸੀ ਪਾਰਟੀਆਂ ਤੇ ਦੋਸ਼ ਲਾਉਂਦੇ ਹੋਏ ਕਿਹਾ ਕਿ ਆਪ ਦੀ ਚੜ੍ਹਤ ਤੋਂ ਵਿਰੋਧੀ ਘਬਰਾ ਕੇ ਕੋਝੀਆਂ ਹਰਕਤਾਂ ਕਰ ਰਹੇ ਹਨ। ਉਨਾਂ ਦੁਬਾਰਾ ਪੋਸਟਰ ਲਗਾਉਂਦੇ ਹੋਏ ਚਿਤਾਵਨੀ ਦਿੱਤੀ ਕਿ ਹੁਣ ਫਲੈਕਸ ਪਾੜੇ ਗਏ ਤਾਂ ਬਖਸ਼ੇ ਨਹੀਂ ਜਾਣਗੇ।