ਹਲਕਾ ਡੇਰਾਬੱਸੀ ਤੋਂ ਸੰਜੀਵ ਖੰਨਾ ਭਾਜਪਾ ਦੇ ਉਮੀਦਵਾਰ

Fri, 21 Jan 2022 07:18 PM (IST)

ਇਕਬਾਲ ਸਿੰਘ, ਡੇਰਾਬੱਸੀ : ਭਾਰਤੀ ਜਨਤਾ ਪਾਰਟੀ ਵੱਲੋਂ ਅੱਜ ਸੰਜੀਵ ਖੰਨਾ ਨੂੰ ਹਲਕਾ ਡੇਰਾਬੱਸੀ ਤੋਂ ਉਮੀਦਵਾਰ ਐਲਾਨਿਆ ਗਿਆ। ਸੰਜੀਵ ਖੰਨਾ ਜੋ ਕਿ ਪੇਸ਼ੇ ਤੋਂ ਜ਼ੀਰਕਪੁਰ ਵਿਖੇ ਕਾਫ਼ੀ ਪਿਛਲੇ ਸਮੇਂ ਤੋਂ ਬਤੌਰ ਬਿਲਡਰ ਕੰਮ ਕਰ ਰਹੇ ਹਨ ਇਕ ਸਾਫ਼ ਸੁਥਰੀ ਸ਼ਖ਼ਸੀਅਤ ਦੇ ਮਾਲਕ ਹਨ। ਨਗਰ ਕੌਂਸਲ ਹੁੰਦੀਆਂ ਚੋਣਾਂ ਦੌਰਾਨ ਸੰਜੀਵ ਖੰਨਾ ਵੱਲੋਂ ਬਹੁਤ ਹੀ ਵਧੀਆ ਢੰਗ ਨਾਲ ਪਾਰਟੀ ਦੀ ਅਗਵਾਈ ਕੀਤੀ ਗਈ ਸੀ ਕਿਸਾਨੀ ਰੋਸ ਅਤੇ ਵਿਰੋਧ ਦਾ ਸਾਹਮਣਾ ਕਰ ਰਹੀ ਭਾਜਪਾ ਵੱਲੋਂ ਨਗਰ ਕੌਂਸਲ ਚੋਣਾਂ ਦੌਰਾਨ ਸੰਜੀਵ ਖੰਨਾ ਦੀ ਅਗਵਾਈ 'ਚ ਵਧੀਆ ਕਾਰਗੁਜ਼ਾਰੀ ਨਿਭਾਈ ਗਈ ਸੀ। ਬੀਜੇਪੀ ਦੀ ਟਿਕਟ ਲਈ ਪ੍ਰਮੁੱਖ ਦਾਅਵੇਦਾਰ ਸੰਜੀਵ ਖੰਨਾ ਅਤੇ ਮੁਕੇਸ਼ ਗਾਂਧੀ ਨੂੰ ਮੰਨਿਆ ਜਾ ਰਿਹਾ ਸੀ ਪਰ ਅੱਜ ਸ਼ਾਮ ਸਾਰੇ ਕਿਆਸਿਆਂ ਨੂੰ ਵਿਰਾਮ ਲਗਾਉਂਦੇ ਹੋਏ ਭਾਰਤੀ ਜਨਤਾ ਪਾਰਟੀ ਹਾਈ ਕਮਾਂਡ ਵੱਲੋਂ ਸੰਜੀਵ ਖੰਨਾ ਨੂੰ ਹਲਕਾ ਡੇਰਾਬੱਸੀ ਲਈ ਭਾਜਪਾ ਦਾ ਉਮੀਦਵਾਰ ਐਲਾਨਿਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਭਾਜਪਾ ਦਾ ਪੰਜਾਬ 'ਚ ਕੈਪਟਨ ਅਮਰਿੰਦਰ ਸਿੰਘ ਦੀ ਪੰਜਾਬ ਲੋਕ ਕਾਂਗਰਸ ਅਤੇ ਸੰਯੁਕਤ ਅਕਾਲੀ ਦਲ ਨਾਲ ਗਠਜੋੜ ਹੈ। ਭਾਜਪਾ 65 ਸੀਟਾਂ 'ਤੇ, ਪੰਜਾਬ ਲੋਕ ਕਾਂਗਰਸ 40 ਸੀਟਾਂ 'ਤੇ ਅਤੇ ਸੰਯੁਕਤ ਅਕਾਲੀ ਦਲ 10 ਸੀਟਾਂ 'ਤੇ ਚੋਣ ਲੜੇਗੀ।

ਪੰਜਾਬ

ਹਲਕਾ ਡੇਰਾਬੱਸੀ ਤੋਂ ਸੰਜੀਵ ਖੰਨਾ ਭਾਜਪਾ ਦੇ ਉਮੀਦਵਾਰ

ਤਾਜ਼ਾ ਖ਼ਬਰਾਂ

ਸੰਬੰਧਿਤ ਖ਼ਬਰਾਂ