ਕੱਲ੍ਹ ਕੀਤੇ ਜਾਣਗੇ ਡੀਸੀ ਦਫਤਰਾਂ ਦੇ ਕੰਮ 4 ਘੰਟੇ ਲਈ ਠੱਪ
ਰਮੇਸ਼ ਰਾਮਪੁਰਾ, ਅੰਮਿ੍ਤਸਰ : ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਪੰਜਾਬ ਵੱਲੋਂ ਡੀਸੀ ਦਫ਼ਤਰਾਂ 'ਤੇ ਸੂਬਾ ਪ੍ਰਧਾਨ ਸਤਨਾਮ ਸਿੰਘ ਪੰਨੂ ਅਤੇ ਜਰਨਲ ਸਕੱਤਰ ਸਰਵਣ ਸਿੰਘ ਪੰਧੇਰ ਦੀ ਅਗਵਾਈ ਵਿਚ, 26 ਨਵੰਬਰ ਤੋਂ ਚੱਲ ਰਹੇ ਲੰਬੇ ਸਮੇਂ ਦੇ ਮੋਰਚੇ 11ਵੇਂ ਦਿਨ ਵਿਚ ਜਾਰੀ ਰਹੇ। ਇਸ ਮੌਕੇ ਅੰਮਿ੍ਤਸਰ ਡੀਸੀ ਦਫਤਰ 'ਤੇ ਚੱਲਦੇ ਮੋਰਚੇ ਤੋਂ ਸੂਬਾ ਆਗੂ ਗੁਰਬਚਨ ਸਿੰਘ ਚੱਬਾ ਅਤੇ ਜਿਲ੍ਹਾ ਪ੍ਰਧਾਨ ਰਣਜੀਤ ਸਿੰਘ ਕਲੇਰ ਬਾਲਾ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਰਕਾਰ ਵੱਲੋਂ ਮੀਟਿੰਗ ਦੀ ਪੇਸ਼ਕਸ਼ ਕੀਤੀ ਕਿ ਚਿੱਠੀ ਭੇਜੀ ਗਈ ਹੈ। ਇਹ ਮੀਟਿੰਗ ਖੇਤੀਬਾੜੀ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਅਤੇ ਮੰਗਾਂ ਨਾਲ ਸਬੰਧਿਤ ਅਦਾਰਿਆਂ ਦੇ ਆਲ੍ਹਾ ਅਫ਼ਸਰਾਂ ਨਾਲ 7 ਦਸੰਬਰ ਨੂੰ
11:30 'ਤੇ ਪੰਜਾਬ ਭਵਨ ਸੈਕਟਰ 3 ਵਿਚ ਹੋਵੇਗੀ।
ਉਨਾਂ੍ਹ ਕਿਹਾ ਕਿ ਜਥੇਬੰਦੀ ਕੱਲ੍ਹ ਨੂੰ ਪਹਿਲਾ ਤੋਂ ਤਹਿ ਕੀਤੇ ਐਕਸ਼ਨ ਤਹਿਤ 4 ਘੰਟੇ ਲਈ ਪੰਜਾਬ ਭਰ ਦੇ ਡੀਸੀ ਦਫਤਰਾਂ ਦੇ ਕੰਮਕਾਜ਼ ਸੰਕੇਤਕ ਤੌਰ ਤੇ 4 ਘੰਟੇ ਲਈ ਠੱਪ ਕੀਤੇ ਜਾਣਗੇ ਪਰ ਜਥੇਬੰਦੀ ਕਦੀ ਵੀ ਟੇਬਲ ਟਾਕ ਤੋਂ ਕਦੀ ਪਿੱਛੇ ਨਹੀਂ ਹੁੰਦੀ ਅਤੇ ਜਥੇਬੰਦੀ ਸਰਕਾਰ ਨਾਲ ਗੱਲਬਾਤ ਵਿਚ ਲੋਕਾਂ ਦੇ ਮਸਲੇ ਪੂਰੇ ਜੋਰ ਨਾਲ ਰੱਖੇਗੀ। ਉਨਾਂ੍ਹ ਦੱਸਿਆ ਜਥੇਬੰਦੀ ਦੇਖੇਗੀ ਕਿ ਸਰਕਾਰ ਜੁਮਲਾ ਮੁਸਤਰਕਾ ਜਮੀਨਾਂ ਦਾ ਨੋਟੀਫਿਕੇਸ਼ਨ ਰੱਦ ਕਰਨ, ਕੇਰਲ ਸਰਕਾਰ ਦੀ ਤਰਜ਼ ਤੇ ਫ਼ਸਲਾਂ ਤੇ ਐਮਐਸਪੀ ਗਰੰਟੀ ਕਨੂੰਨ, ਕਿਸਾਨਾ ਤੇ ਮਜ਼ਦੂਰਾਂ ਦੇ ਕਰਜ਼ੇ ਤੇ ਸਰਕਾਰ ਦਾ ਕੀ ਸਟੈਂਡ ਹੈ,ਮਨਰੇਗਾ ਤਹਿਤ ਕੰਮ
ਦੇਣ,ਕੱਚੇ ਮੁਲਾਜ਼ਮਾਂ ਨੂੰ ਪੱਕੇ ਕਰਨ, ਨਵੀਂਆਂ ਨੌਕਰੀਆਂ, ਪੰਜਾਬ ਦੇ ਪਾਣੀਆਂ ਨੂੰ ਬਚਾਉਣ, ਕੇਂਦਰ ਵੱਲੋਂ ਬੀਬੀਐਮਬੀ ਅਤੇ ਬਿਜਲੀ ਵੰਡ ਲਾਇਸੈਂਸ ਨਿਜ਼ਮ 2022 ਖਿਲਾਫ ਵਿਧਾਨ ਸਭਾ ਵਿਚ ਮੱਤੇ ਪਾਉਣ, ਬੇਦਬੀਆਂ ਤੇ ਬਹਿਬਲ ਕਲਾਂ ਗੋਲੀ ਦੇ ਇਨਸਾਫ, ਭਾਰਤ ਨਾਲ ਰੋਡ ਪੋ੍ਜੈਕਟਾਂ ਹੇਠ ਨਿਕਲ ਰਹੀਆਂ ਸੜਕਾਂ ਦੇ ਮੁਆਵਜ਼ੇ, ਦਿੱਲੀ ਤੇ ਪੰਜਾਬ ਪੱਧਰੀ ਮੋਰਚਿਆਂ ਦੇ ਸ਼ਹੀਦ ਪਰਿਵਾਰਾਂ ਨੂੰ ਨੌਕਰੀ ਤੇ ਮੁਆਵਜ਼ੇ ਆਦਿ ਦੇ ਮੁੱਦਿਆਂ ਤੇ ਸਰਕਾਰ ਕੀ ਜਵਾਬ ਦਿੰਦੀ ਹੈ। ਇਸ ਸਮੇਂ ਬੋਲਦੇ ਜਿਲ੍ਹਾ ਆਗੂ ਕੰਧਾਰ ਸਿੰਘ ਭੋਏਵਾਲ ਅਤੇ ਬਲਦੇਵ ਸਿੰਘ ਬੱਗਾ ਨੇ ਕਿਹਾ ਕਿ ਸਰਕਾਰ ਹੁਣ ਤੱਕ ਨਸ਼ੇ, ਭਿ੍ਸ਼ਟਾਚਾਰ, ਕਾਨੂੰਨ ਵਿਵਸਥਾ, ਪ੍ਰਦੂਸ਼ਣ ਵਰਗੇ ਮਾਮਲਿਆਂ ਨੂੰ
ਕੰਟਰੋਲ ਕਰਨ ਵਿਚ ਫੇਲ ਸਾਬਿਤ ਹੋਈ ਹੈ, ਜਿਸ ਲਈ ਪੈਸੇ ਦੀ ਨਹੀ, ਬਲਕਿ ਸਿਰਫ ਦਿ੍ੜ੍ਹ ਇੱਛਾ ਸ਼ਕਤੀ ਦੀ ਜਰੂਰਤ ਹੈ। ਉਨਾਂ੍ਹ ਕਿਹਾ ਕਿ ਅੱਜ ਵੀ ਰੋਜ਼ਾਨਾ ਨਸ਼ੇ ਦੀ ਓਵਰਡੋਜ਼ ਨਾਲ ਨੌਜਵਾਨਾਂ ਦੀਆਂ ਮੌਤਾਂ, ਖੁਦਕੁਸ਼ੀਆਂ ਕਰ ਰਹੇ ਕਿਸਾਨਾ ਤੇ ਮਜ਼ਦੂਰਾਂ ਦੀਆਂ ਖਬਰਾਂ ਨਾਲ ਅਖ਼ਬਾਰ ਭਰੇ ਆ ਰਹੇ ਹਨ। ਲੋਕਾਂ ਨੇ ਸਰਕਾਰ ਤੋਂ ਅੱਕ ਕੇ ਲੰਬੇ ਤੇ ਸ਼ਾਂਤਮਈ ਮੋਰਚੇ ਚਲਾਉਣ ਦਾ ਮਨ ਬਣਾਇਆ ਹੈ ਅਤੇ ਜਥੇਬੰਦੀ ਲਗਾਤਾਰ ਦੇਸ਼ ਅਤੇ ਪੰਜਾਬ ਦੇ ਹਿਤਾਂ ਤੇ ਪਹਿਰੇ ਲਈ ਦਿ੍ੜ੍ਹ ਸੰਕਲਪ ਹੈ ਅਤੇ ਆਮ ਲੋਕਾਂ ਦੀ ਸ਼ਮੂਲੀਅਤ ਵੀ ਲਗਾਤਾਰ ਵਧ ਰਹੀ ਹੈ। ਉਨਾਂ੍ਹ ਕਿਹਾ ਕਿ ਸਰਕਾਰ ਨੂੰ ਮੰਨੀਆਂ ਹੋਈਆਂ ਮੰਗਾਂ ਤੁਰੰਤ ਲਾਗੂ ਕਰਨੀਆਂ ਹੋਣਗੀਆਂ ਅਤੇ ਜਿੰਨੀ ਦੇਰ ਇਹ ਲਾਗੂ ਨਹੀਂ ਹੁੰਦੀਆਂ ਓਨੀ ਦੇਰ ਮੋਰਚੇ ਜਾਰੀ ਰਹਿਣਗੇ। ਇਸ ਮੌਕੇ ਮੌਜੂਦ ਕਿਸਾਨ ਮਜਦੂਰ ਅਤੇ ਬੀਬੀਆਂ ਨੂੰ ਜਿਲ੍ਹਾ ਆਗੂ ਕੰਵਰਦਲੀਪ ਸੈਦੋਲੇਹਲ, ਸਵਿੰਦਰ ਸਿੰਘ ਰੂਪੋਵਾਲੀ, ਮੁਖਤਾਰ ਸਿੰਘ ਭਗਵਾ, ਕਿਰਪਾਲ ਸਿੰਘ ਕਲੇਰ ਮਾਂਗਟ, ਸੁਖਦੇਵ ਸਿੰਘ ਕਾਜੀਕੋਟ, ਬਲਵਿੰਦਰ ਸਿੰਘ ਕਲੇਰ ਬਾਲਾ, ਗੁਰਬਾਜ਼ ਸਿੰਘ, ਕੰਵਲਜੀਤ ਸਿੰਘ ਵੰਚੜੀ, ਦਿਲਬਾਗ ਸਿੰਘ ਖਪੜਖੇੜੀ, ਮੇਜ਼ਰ ਸਿੰਘ ਅਬਦਾਲ, ਅਤੇ ਹੋਰ ਆਗੂਆਂ ਨੇ ਸੰਬੋਧਨ ਕੀਤਾ।
