ਬੀਏ.4, ਬੀਏ.5 ਸਬ-ਵੈਰੀਐਂਟ ਤੋਂ ਨਵੀਂ ਲਹਿਰ ਦਾ ਖ਼ਦਸ਼ਾ ਨਹੀਂ

Posted By : Sandip KaurWed, 25 May 2022 01:24 PM (IST)

ਨਵੀਂ ਦਿੱਲੀ (ਏਐੱਨਆਈ) : ਭਾਰਤ ’ਚ ਓਮੀਕ੍ਰੋਨ ਦੇ ਨਵੇਂ ਸਬ-ਵੈਰੀਐਂਟ ਮਿਲਣ ਦੇ ਬਾਵਜੂਦ ਕੋਰੋਨਾ ਦੀ ਨਵੀਂ ਲਹਿਰ ਆਉਣ ਦਾ ਕੋਈ ਖ਼ਦਸ਼ਾ ਨਹੀਂ ਹੈ। ਹਾਲਾਂਕਿ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਲੋਡ਼ ਹੈ। ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਦੇ ਰਾਸ਼ਟਰੀ ਸਹਿ ਪ੍ਰਧਾਨ ਡਾ. ਰਾਜੀਵ ਜੈਦੇਵਨ ਨੇ ਕਿਹਾ ਕਿ ਓਮੀਕ੍ਰੋਨ ਦੇ ਸਬ-ਵੈਰੀਐਂਟ ਬੀਏ.4 ਅਤੇ ਬੀਏ.5 ਮਿਲਣ ਨਾਲ ਕੋਰੋਨਾ ਦੇ ਮਾਮਲਿਆਂ ’ਚ ਬਹੁਤ ਜ਼ਿਆਦਾ ਵਾਧਾ ਹੋਣ ਦਾ ਖ਼ਦਸ਼ਾ ਨਹੀਂ ਹੈ। ਫਿਲਹਾਲ ਸਾਨੂੰ ਸਾਵਧਾਨ ਰਹਿਣਾ ਹੋਵੇਗਾ। ਜਿਵੇਂ ਕਿ ਸਾਰੇ ਜਾਣਦੇ ਹਨ ਕਿ ਭਾਰਤ ਸਮੇਤ ਦੁਨੀਆ ਦੇ ਕਈ ਦੇਸ਼ਾਂ ’ਚ ਓਮੀਕ੍ਰੋਨ ਕਾਰਨ ਮਹਾਮਾਰੀ ਤੇਜ਼ੀ ਨਾਲ ਫੈਲੀ ਪਰ ਦੱਖਣੀ ਏਸ਼ੀਆ ਦੇ ਤਜਰਬੇ ਨੂੰ ਦੇਖਦੇ ਹੋਏ ਉਸ ਇਸ ਗੱਲ ਪ੍ਰਤੀ ਆਸਵੰਦ ਹਨ ਕਿ ਜੇ ਅਸੀਂ ਸਾਵਧਾਨ ਰਹੇ ਤਾਂ ਇਨ੍ਹਾਂ ਦੋ ਸਬ-ਵੈਰੀਐਂਟ ਕਾਰਨ ਨਵੀਂ ਲਹਿਰ ਨਹੀਂ ਆਵੇਗੀ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਬੀਏ.4 ਅਤੇ ਬੀਏ.5 ਕੋਈ ਨਵਾਂ ਵਾਇਰਸ ਨਹੀਂ ਹੈ। ਇਹ ਸਿਰਫ ਓਮੀਕ੍ਰੋਨ ਦਾ ਸਬ-ਵੈਰੀਐਂਟ ਹੈ। ਉਨ੍ਹਾਂ ਕਿਹਾ ਕਿ ਇਹ ਵਾਇਰਸ ਖੁਦ ਨੂੰ ਲਗਾਤਾਰ ਮਨੁੱਖੀ ਸਰੀਰ ਦੇ ਅਨੁਕੂਲ ਬਣਾਉਂਦਾ ਰਹਿੰਦਾ ਹੈ, ਤਾਂ ਕਿ ਸਾਡੇ ਪ੍ਰਤੀਰੋਧਕ ਤੰਤਰ ਤੋਂ ਬਚਿਆ ਰਹਿ ਸਕੇ।

ਪੰਜਾਬ

ਬੀਏ.4, ਬੀਏ.5 ਸਬ-ਵੈਰੀਐਂਟ ਤੋਂ ਨਵੀਂ ਲਹਿਰ ਦਾ ਖ਼ਦਸ਼ਾ ਨਹੀਂ

ਤਾਜ਼ਾ ਖ਼ਬਰਾਂ

ਸੰਬੰਧਿਤ ਖ਼ਬਰਾਂ