ਡੀਐੱਸਜੀਐੱਮਸੀ ਦੇ ਪ੍ਰਧਾਨ ਦੀ ਅੱਜ ਹੋਵੇਗੀ ਚੋਣ, ਅਕਾਲੀ ਦਲ ਬਾਦਲ ਤੇ ਸਰਨਾ ਦੀ ਅਗਵਾਈ ਵਾਲੇ ਗਠਜੋੜ ਵਿਚਾਲੇ ਹੈ ਮੁਕਾਬਲਾ

Posted By : Sunil ThapaFri, 21 Jan 2022 11:51 PM (IST)

ਸਟੇਟ ਬਿਊਰੋ, ਨਵੀਂ ਦਿੱਲੀ : ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ (ਡੀਐੱਸਜੀਐੱਮਸੀ) ਦੀ ਚੋਣ ਦੇ ਪੰਜ ਮਹੀਨੇ ਬਾਅਦ ਸ਼ਨਿਚਰਵਾਰ 22 ਜਨਵਰੀ ਨੂੰ ਕਾਰਜਕਾਰਨੀ ਗਠਨ ਲਈ ਨਵੇਂ ਚੁਣੇ ਮੈਂਬਰਾਂ ਦੀ ਮੀਟਿੰਗ ਹੋਵੇਗੀ। ਦਿੱਲੀ ਗੁਰਦੁਆਰਾ ਚੋਣ ਡਾਇਰੈਕਟੋਰੇਟ ਨੇ ਇਹ ਮੀਟਿੰਗ ਬੁਲਾਈ ਹੈ। ਸਭ ਤੋਂ ਪਹਿਲਾਂ ਮੈਂਬਰਾਂ ਨੂੰ ਸਹੁੰ ਚੁਕਾਈ ਜਾਵੇਗੀ। ਉਸ ਤੋਂ ਬਾਅਦ ਪ੍ਰਧਾਨ ਸਮੇਤ ਪੰਜ ਅਹੁਦੇਦਾਰਾਂ ਦੀ ਚੋਣ ਹੋਵੇਗੀ। ਨਵੀਂ ਕਾਰਜਕਾਰਨੀ ਦਾ ਗਠਨ ਕੀਤਾ ਜਾਵੇਗਾ। ਕਮੇਟੀ ਦੀ ਸੱਤਾ ਹਾਸਲ ਕਰਨ ਲਈ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਤੇ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ (ਸਰਨਾ) ਵਿਚਾਲੇ ਮੁਕਾਬਲਾ ਹੈ। ਦੱਸਣਯੋਗ ਹੈ ਕਿ ਪਿਛਲੇ ਸਾਲ 22 ਅਗਸਤ ਨੂੰ ਕਮੇਟੀ ਦੀ ਚੋਣ ਹੋਈ ਸੀ, ਜਦਕਿ 25 ਅਗਸਤ ਨੂੰ ਚੋਣ ਨਤੀਜੇ ਆਏ ਸਨ, ਪਰ ਨਵੀਂ ਕਾਰਜਕਾਰਨੀ ਦਾ ਗਠਨ ਨਹੀਂ ਹੋ ਸਕਿਆ। 55 ਮੈਂਬਰਾਂ ਵਾਲੀ ਕਮੇਟੀ ’ਚ 46 ਮੈਂਬਰ ਸੰਗਤ ਵਲੋਂ ਚੁਣੇ ਜਾਂਦੇ ਹਨ। ਨਾਲ ਹੀ ਨੌ ਨਾਮਜ਼ਦ ਮੈਂਬਰ ਹੁੰਦੇ ਹਨ। ਇਨ੍ਹਾਂ ’ਚੋਂ ਕਾਰਜਕਾਰਨੀ ਦੇ ਗਠਨ ’ਚ ਮਤਦਾਨ ਦਾ ਅਧਿਕਾਰ ਨਹੀਂ ਹੁੰਦਾ। ਇਸ ਤਰ੍ਹਾਂ ਨਾਲ 51 ਮੈਂਬਰ ਮਤਦਾਨ ’ਚ ਹਿੱਸਾ ਲੈਂਦੇ ਹਨ।

ਪੰਜਾਬ

ਡੀਐੱਸਜੀਐੱਮਸੀ ਦੇ ਪ੍ਰਧਾਨ ਦੀ ਅੱਜ ਹੋਵੇਗੀ ਚੋਣ, ਅਕਾਲੀ ਦਲ ਬਾਦਲ ਤੇ ਸਰਨਾ ਦੀ ਅਗਵਾਈ ਵਾਲੇ ਗਠਜੋੜ ਵਿਚਾਲੇ ਹੈ ਮੁਕਾਬਲਾ

ਤਾਜ਼ਾ ਖ਼ਬਰਾਂ

ਸੰਬੰਧਿਤ ਖ਼ਬਰਾਂ