ਨਵੀਂ ਦਿੱਲੀ, ਜੇਐੱਨਐੱਨ :ਗੁੰਜਨ ਸਿਨਹਾ ਅਤੇ ਤੇਜਸ ਵਰਮਾ ਨੇ ਟੀਵੀ ਦੇ ਮਸ਼ਹੂਰ ਡਾਂਸ ਰਿਐਲਿਟੀ ਸ਼ੋਅ ਝਲਕ ਦਿਖਲਾ ਜਾ 10 ਦਾ ਖਿਤਾਬ ਜਿੱਤਿਆ ਹੈ। ਇਸ ਸੀਜ਼ਨ 'ਚ ਇਸ ਜੋੜੀ ਨੇ ਇਕ ਤੋਂ ਵਧ ਕੇ ਇਕ ਡਾਂਸ ਪਰਫਾਰਮੈਂਸ ਦਿੱਤੀ। ਇਸ ਜੋੜੀ ਦੀ ਜਿੱਤ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ 'ਤੇ ਖੂਬ ਜਸ਼ਨ ਮਨਾ ਰਹੇ ਹਨ। ਝਲਕ ਦਿਖਲਾ ਜਾ 10 ਕਈ ਤਰੀਕਿਆਂ ਨਾਲ ਬਹੁਤ ਖਾਸ ਰਹੀ ਹੈ। ਸ਼ੋਅ ਕਰੀਬ 5 ਸਾਲ ਬਾਅਦ ਛੋਟੇ ਪਰਦੇ 'ਤੇ ਵਾਪਸੀ ਕੀਤੀ। ਸ਼ੋਅ 'ਚ ਇਕ ਤੋਂ ਵਧ ਕੇ ਇਕ ਸੈਲੀਬ੍ਰਿਟੀ ਡਾਂਸਰ ਨਜ਼ਰ ਆਏ। ਝਲਕ ਦਿਖਲਾ ਜਾ 10 ਦੇ ਫਾਈਨਲਿਸਟਾਂ ਵਿੱਚ ਰੁਬੀਨਾ ਦਿਲਾਇਕ, ਗੁੰਜਨ ਸਿਨਹਾ, ਫੈਜ਼ਲ ਸ਼ੇਖ, ਗਸ਼ਮੀਰ ਮਹਾਜਨੀ, ਨਿਸ਼ਾਂਤ ਭੱਟ ਅਤੇ ਸ੍ਰਿਤੀ ਝਾਅ ਸ਼ਾਮਲ ਸਨ। ਇਨ੍ਹਾਂ ਸਭ ਨੂੰ ਪਛਾੜਦੇ ਹੋਏ ਗੁੰਜਨ ਸਿਨਹਾ ਨੇ ਆਪਣੇ ਨਾਂ ਕੀਤਾ।
8 ਸਾਲ ਦੀ ਗੁੰਜਨ ਨੇ ਸ਼ੋਅ ਜਿੱਤਿਆ
ਗੁੰਜਨ ਸਿਨਹਾ ਇਸ ਸ਼ੋਅ ਦੀ ਸਭ ਤੋਂ ਛੋਟੀ ਪ੍ਰਤੀਯੋਗੀ ਰਹੀ ਹੈ। ਉਸ ਦੀ ਉਮਰ ਸਿਰਫ਼ 8 ਸਾਲ ਹੈ। ਇਸ ਉਮਰ 'ਚ ਗੁੰਜਨ ਨੇ ਇਸ ਸ਼ੋਅ ਦਾ ਨਾਂ ਆਪਣੇ ਨਾਂ ਕਰਕੇ ਵੱਡੀ ਜਿੱਤ ਹਾਸਲ ਕੀਤੀ ਹੈ। ਕਰਨ ਜੌਹਰ ਅਤੇ ਮਾਧੁਰੀ ਦੀਕਸ਼ਿਤ ਨੇ ਸ਼ੋਅ ਦੇ ਜੇਤੂਆਂ ਵਜੋਂ ਦੋਨਾਂ ਲਿਟਲ ਚੈਂਪੀਅਨਜ਼ ਦਾ ਐਲਾਨ ਕੀਤਾ।
20 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਕੀਤੀ ਪ੍ਰਾਪਤ
ਲਿਟਲ ਚੈਂਪੀਅਨ ਨੂੰ ਇਨਾਮੀ ਰਾਸ਼ੀ ਵਜੋਂ 20 ਲੱਖ ਰੁਪਏ ਮਿਲੇ ਹਨ। ਗੁਹਾਟੀ, ਅਸਾਮ ਦੀ ਰਹਿਣ ਵਾਲੀ ਗੁੰਜਨ ਸਿਨਹਾ ਦਾ ਜਨਮ 8 ਮਈ 2014 ਨੂੰ ਹੋਇਆ ਸੀ। ਆਪਣੀ ਡਾਂਸ ਪ੍ਰਤਿਭਾ ਦੇ ਕਾਰਨ, ਗੁੰਜਨ ਛੋਟੀ ਉਮਰ ਵਿੱਚ ਹੀ ਮਸ਼ਹੂਰ ਹੋ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਉਹ ਕਈ ਡਾਂਸ ਸ਼ੋਅਜ਼ 'ਚ ਹਿੱਸਾ ਲੈ ਚੁੱਕੀ ਹੈ।
ਵਰੁਣ ਧਵਨ ਅਤੇ ਕ੍ਰਿਤੀ ਸੈਨਨ ਨੇ ਫਿਨਾਲੇ ਵਿੱਚ ਕੀਤੀ ਸ਼ਿਰਕਤ
ਮਾਧੁਰੀ ਦੀਕਸ਼ਿਤ, ਕਰਨ ਜੌਹਰ ਅਤੇ ਨੋਰਾ ਫਤੇਹੀ ਤੋਂ ਇਲਾਵਾ, ਫਿਨਾਲੇ ਐਪੀਸੋਡ ਵਿੱਚ ਵਰੁਣ ਧਵਨ ਅਤੇ ਕ੍ਰਿਤੀ ਸੈਨਨ ਵੀ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਸਾਰੇ ਸਿਤਾਰੇ ਆਪਣੀ ਆਉਣ ਵਾਲੀ ਫਿਲਮ ਦੇ ਪ੍ਰਮੋਸ਼ਨ ਦੌਰਾਨ ਇਸ ਸ਼ੋਅ ਦਾ ਹਿੱਸਾ ਸਨ।
