ਨਵੀਂ ਦਿੱਲੀ, ਜੇਐੱਨਐੱਨ : ਸੈਂਟਰਲ ਬੋਰਡ ਆਫ ਸੈਕੰਡਰੀ ਐਜੂਕੇਸ਼ਨ, (Central Board of Secondary Education) 10ਵੀਂ, 12ਵੀਂ ਟਰਮ 2 ਬੋਰਡ ਪ੍ਰੀਖਿਆ 2022 ਮਾਰਚ-ਅਪ੍ਰੈਲ ’ਚ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ, ਇਸ ਸਮੇਂ ਵਿਦਿਆਰਥੀ ਸਿਰਫ ਟਰਮ-1 ਨਤੀਜੇ 2022 ਦੀ ਉਡੀਕ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਕੁਝ ਵਿਦਿਆਰਥੀਆਂ ਨੇ ਸੋਸ਼ਲ ਮੀਡੀਆ ’ਤੇ ਬੋਰਡ ਨੂੰ ਕੋਰੋਨਾ ਦੀ ਤੀਜੀ ਲਹਿਰ ’ਚ ਵਧਦੇ ਸੰਕਰਮਣ ਦੇ ਮਾਮਲਿਆਂਂ ਦੇ ਮੱਦੇਨਜ਼ਰ ਪ੍ਰੀਖਿਆ ਰੱਦ ਕਰਨ ਜਾਂ ਇਸ ਨੂੰ ਆਨਲਾਈਨ ਕਰਨ ਦੀ ਅਪੀਲ ਕੀਤੀ ਸੀ। ਇਸ ਦੇ ਨਾਲ ਹੀ, ਤਾਜ਼ਾ ਅਪਡੇਟ ਦੇ ਅਨੁਸਾਰ, ਬੋਰਡ ਟਰਮ-2 ਦੀਆਂਂ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਸੀਬੀਐਸਈ 10ਵੀਂ, 12ਵੀਂ ਜਮਾਤ ਦੀਆਂਂ ਪ੍ਰੈਕਟੀਕਲ ਪ੍ਰੀਖਿਆਵਾਂ ਫਰਵਰੀ ਦੇ ਅੰਤ ਤੋਂ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਟਰਮ 2 ਦੀ ਡੇਟਸ਼ੀਟ 2022 ਵੀ ਅਗਲੇ ਹਫ਼ਤੇ ਜਾਰੀ ਹੋਣ ਦੀ ਉਮੀਦ ਹੈ।
ਮੀਡੀਆ ਰਿਪੋਰਟਾਂ ਅਨੁਸਾਰ, ਬੋਰਡ ਦੇ ਨਜ਼ਦੀਕੀ ਸੂਤਰਾਂ ਨੇ ਟਰਮ 2 ਲਈ ਬੋਰਡ ਪ੍ਰੀਖਿਆਵਾਂ ਲਈ ਅਸਥਾਈ ਸਮਾਂ ਸੂਚੀ ਵੀ ਤਿਆਰ ਕੀਤੀ ਹੈ। ਟਰਮ 1 ਦੇ ਨਤੀਜੇ ਦੀ ਤਰੀਕ ’ਤੇ ਬੋਲਦੇ ਹੋਏ, ਮੀਡੀਆ ਰਿਪੋਰਟਾਂ ਦੇ ਸਰੋਤਾਂ ਅਨੁਸਾਰ ਸੀਬੀਐੱਸਈ ਦੀ ਟਰਮ 1 ਦਾ ਨਤੀਜਾ 2022 ਫਰਵਰੀ ਦੇ ਪਹਿਲੇ ਹਫ਼ਤੇ ’ਚ ਟਰਮ 2 ਦੀ ਡੇਟਸ਼ੀਟ ਦੇ ਨਾਲ ਆਉਣ ਦੀ ਸੰਭਾਵਨਾ ਹੈ। ਇਸ ਤਹਿਤ ਪ੍ਰੈਕਟੀਕਲ ਪ੍ਰੀਖਿਆ ਦੇ ਨਾਲ ਥਿਊਰੀ ਪ੍ਰੀਖਿਆਵਾਂ ਦਾ ਪ੍ਰੋਗਰਾਮ ਵੀ ਜਾਰੀ ਕੀਤਾ ਜਾਵੇਗਾ।
ਟਰਮ 2 ਦੀ ਪ੍ਰੀਖਿਆ ਬਾਰੇ ਪੁੱਛੇ ਜਾਣ ’ਤੇ, ਸੀਬੀਐਸਈ ਦੇ ਅਧਿਕਾਰੀ ਨੇ ਮੀਡੀਆ ਨੂੰ ਦੱਸਿਆ ਕਿ ਬੋਰਡ 15 ਫਰਵਰੀ ਤੋਂਂ ਪ੍ਰੈਕਟੀਕਲ ਪ੍ਰੀਖਿਆ ਸ਼ੁਰੂ ਕਰਨਾ ਚਾਹੁੰਦਾ ਹੈ। ਹਾਲਾਂਕਿ, ਮਹਾਮਾਰੀ ਦੀ ਸਥਿਤੀ ਦੇ ਨਾਲ-ਨਾਲ 5 ਰਾਜਾਂ ’ਚ ਚੋਣਾਂ ਹੋਣ ਕਾਰਨ ਇਹ ਫਿਲਹਾਲ ਸੰਭਵ ਨਹੀਂ ਹੈ। ਅਜਿਹੇ ’ਚ ਹੁਣ ਫਰਵਰੀ ਦੇ ਅੰਤ ਤਕ ਪ੍ਰੈਕਟੀਕਲ ਪ੍ਰੀਖਿਆ ਸ਼ੁਰੂ ਕਰਨ ’ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਟਰਮ 2 ਲਈ ਥਿਊਰੀ ਇਮਤਿਹਾਨ, ਜੋ ਕਿ ਵਿਅਕਤੀਗਤ ਢੰਗ ਨਾਲ ਕੀਤਾ ਜਾਵੇਗਾ, ਦੇ 20 ਮਾਰਚ, 2022 ਤਕ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਬੋਰਡ ਪਹਿਲਾਂ ਮੁੱਖ ਪ੍ਰੀਖਿਆਵਾਂ ਤੇ ਫਿਰ ਛੋਟੇ ਵਿਸ਼ਿਆਂਂ ਦੀਆਂਂ ਪ੍ਰੀਖਿਆਵਾਂ ਕਰਵਾਏਗਾ।
