ਗੁਜਰਾਤ ਟਾਈਟਨਜ਼ ਦੇ ਕ੍ਰਿਕਟ ਡਾਇਰੈਕਟਰ ਨੂੰ ਉਮੀਦ, ਕਪਤਾਨ ਬਣ ਸਕਦੇ ਨੇ ਸ਼ੁਭਮਨ ਗਿੱਲ

Posted By : Gurinder SinghThu, 23 Mar 2023 08:44 PM (IST)

ਮੁੰਬਈ (ਪੀਟੀਆਈ) : ਗੁਜਰਾਤ ਟਾਈਟਨਜ਼ ਦੇ ਕ੍ਰਿਕਟ ਡਾਇਰੈਕਟਰ ਵਿਕ੍ਰਮ ਸੋਲੰਕੀ ਦਾ ਮੰਨਣਾ ਹੈ ਕਿ ਭਾਰਤ ਦੇ ਨੌਜਵਾਨ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਦੀ ਕ੍ਰਿਕਟ ਦੀ ਸਮਝ ਬਹੁਤ ਚੰਗੀ ਹੈ ਤੇ ਉਹ ਭਵਿੱਖ ਵਿਚ ਇਸ ਫਰੈਂਚਾਈਜ਼ੀ ਟੀਮ ਦੇ ਕਪਤਾਨ ਬਣ ਸਕਦੇ ਹਨ।

ਹਾਰਦਿਕ ਪਾਂਡਿਆ ਦਾ ਲਗਾਤਾਰ ਦੂਜੇ ਸੈਸ਼ਨ ਵਿਚ ਗੁਜਰਾਤ ਟਾਈਟਨਜ਼ ਦੀ ਅਗਵਾਈ ਕਰਨਾ ਤੈਅ ਹੈ ਪਰ ਟੀਮ ਮੈਨੇਜਮੈਂਟ ਸ਼ੁਭਮਨ ਨੂੰ ਭਵਿੱਖ ਦੇ ਕਪਤਾਨ ਦੇ ਰੂਪ ਵਿਚ ਦੇਖਦੀ ਹੈ। ਸੋਲੰਕੀ ਨੇ ਕਿਹਾ ਕਿ ਸ਼ੁਭਮਨ ਅੰਦਰ ਅਗਵਾਈ ਦੀ ਸਮਰੱਥਾ ਹੈ ਤੇ ਉਹ ਕਾਫੀ ਜ਼ਿੰਮੇਵਾਰੀ ਲੈਂਦਾ ਹੈ। ਮੇਰੇ ਹਿਸਾਬ ਨਾਲ ਇਹ ਮਹੱਤਵਪੂਰਨ ਨਹੀਂ ਹੈ ਕਿ ਤੁਹਾਡੇ ਨਾਂ ਦੇ ਅੱਗੇ ਕਪਤਾਨ ਹੋਣ ਦਾ ਚਿੰਨ੍ਹ ਲੱਗੇ ਹੋਣ 'ਤੇ ਹੀ ਤੁਸੀਂ ਆਪਣੀ ਭੂਮਿਕਾ ਨਿਭਾਓ। ਉਨ੍ਹਾਂ ਨੇ ਕਿਹਾ ਕਿ ਸ਼ੁਭਮਨ ਨੇ ਪਿਛਲੇ ਸਾਲ ਵੀ ਆਪਣੇ ਵਤੀਰੇ ਤੇ ਖੇਡ ਦੇ ਪ੍ਰਤੀ ਆਪਣੇ ਪੇਸ਼ੇਵਰ ਰਵੱਈਏ ਕਾਰਨ ਆਗੂ ਦੀ ਭੂਮਿਕਾ ਨਿਭਾਈ ਸੀ। ਕੀ ਮੈਂ ਇਹ ਸੋਚਦਾ ਹਾਂ ਕਿ ਸ਼ੁਭਮਨ ਭਵਿੱਖ ਦਾ ਕਪਤਾਨ ਹੋਵੇਗਾ। ਹਾਂ, ਯਕੀਨੀ ਤੌਰ 'ਤੇ ਪਰ ਇਸ ਬਾਰੇ ਅਜੇ ਕੋਈ ਫ਼ੈਸਲਾ ਨਹੀਂ ਕੀਤਾ ਗਿਆ ਹੈ। ਉਸ ਵਿਚ ਆਗੂ ਬਣਨ ਦੇ ਗੁਣ ਹਨ, ਉਹ ਬਹੁਤ ਤਜਰਬੇਕਾਰ ਹੈ ਤੇ ਕਾਫੀ ਯੋਗ ਹੈ।

ਪੰਜਾਬ

ਗੁਜਰਾਤ ਟਾਈਟਨਜ਼ ਦੇ ਕ੍ਰਿਕਟ ਡਾਇਰੈਕਟਰ ਨੂੰ ਉਮੀਦ, ਕਪਤਾਨ ਬਣ ਸਕਦੇ ਨੇ ਸ਼ੁਭਮਨ ਗਿੱਲ

ਤਾਜ਼ਾ ਖ਼ਬਰਾਂ