ਭਾਰਤੀ ਸਟੇਟ ਬੈਂਕ ਨੇ ਦੇਸ਼ ਦੇ ਕਰੋੜਾਂ ਬੈਂਕ ਗਾਹਕਾਂ ਲਈ ਇਕ ਖਾਸ ਅਲਰਟ ਜਾਰੀ ਕੀਤਾ ਹੈ। ਜੇਕਰ ਤੁਹਾਡੇ ਕੋਲ ਵੀ ਬੈਂਕ ਅਕਾਊਂਟ ਹੈ ਤੇ ਵੱਡੀ ਟ੍ਰਾਂਜ਼ੈਕਸ਼ਨ ਕਰਦੇ ਹੋ ਤਾਂ ਇਹ ਅਲਰਟ ਆਪਣੇ ਲਈ ਹੀ ਸਮਝੋ। ਐੱਸਬੀਆਈ ਨੇ ਕਿਹਾ ਹੈ ਕਿ ਪੈਨ ਤੇ ਆਧਾਰ ਲਿੰਕ ਕਰਨਾ ਲਾਜ਼ਮੀ ਹੈ। ਜੇਕਰ ਕਿਸੇ ਨੇ ਅਜਿਹਾ ਨਾ ਕੀਤਾ ਤਾਂ ਉਹ 31 ਮਾਰਚ 2022 ਤੋਂ ਪਹਿਲਾਂ-ਪਹਿਲਾਂ ਅਜਿਹਾ ਕਰ ਲਵੇ ਨਹੀਂ ਤਾ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਵੇਗਾ। ਜੇਕਰ ਕਿਸੇ ਨੇ 31 ਮਾਰਚ ਤਕ ਆਪਣਾ ਪੈਨ ਆਧਾਰ ਨਾਲ ਲਿੰਕ ਨਾ ਕਰਵਾਇਆ ਤਾਂ ਪੈਨ ਇਨਆਪ੍ਰੇਟਿਵ ਹੋ ਜਾਵੇਗਾ। ਇਸ ਤੋਂ ਬਾਅਦ ਕਈ ਤਰ੍ਹਾਂ ਦੇ ਵਿੱਤੀ ਲੈਣ-ਦੇਣ ਨਹੀਂ ਹੋ ਸਕਣਗੇ। ਪੈਨ-ਆਧਾਰ ਲਿੰਕ ਕਰਨਾ ਹਰੇਕ ਲਈ ਜ਼ਰੂਰੀ ਹੈ। ਇਨਕਮ ਟੈਕਸ ਦੀ ਵੈੱਬਸਾਈਟ 'ਤੇ ਜਾ ਕੇ ਆਸਾਨੀ ਨਾਲ ਦੋਵੇਂ ਦਸਤਾਵੇਜ਼ ਲਿੰਕ ਕਰ ਸਕਦੇ ਹੋ।
ਭਾਰਤੀ ਸਟੇਟ ਬੈਂਕ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ 'ਤੇ ਟਵੀਟ 'ਚ ਲਿਖਿਆ, 'ਅਸੀਂ ਗਾਹਕਾਂ ਨੂੰ ਪੈਨ ਤੇ ਆਧਾਰ ਲਿੰਕ ਕਰਨ ਦੀ ਸਲਾਹ ਦਿੰਦੇ ਹਾਂ ਤਾਂ ਜੋ ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੀ ਅਸੁਵਿਧਾ ਨਾ ਹੋਵੇ।'
ਪੈਨ ਕਾਰਡ ਇਨਐਕਟਿਵ ਹੋਣ 'ਤੇ ਜੁਰਮਾਨਾ ਤਕ ਭਰਨਾ ਪੈ ਸਕਦਾ ਹੈ। ਪੈਨ ਕਾਰਡ ਨੂੰ ਐਕਟਿਵ ਕਰਨ ਲਈ 1000 ਰੁਪਏ ਦੀ ਦੀ ਲੇਟ ਫੀਸ ਦੇਣੀ ਪੈ ਸਕਦੀ ਹੈ। ਜੇਕਰ ਪੈਨ ਇਨਐਕਟਿਵ ਹੋ ਗਿਆ ਤਾਂ ਜੁਰਮਾਨਾ ਭਰਨਾ ਪਵੇਗਾ। ਇਨਐਕਟਿਵ ਹੋਣ 'ਤੇ ਮੰਨਿਆ ਜਾਂਦਾ ਹੈ ਕਿ ਕਾਨੂੰਨ ਮੁਤਾਬਕ ਪੈਨ ਨੂੰ ਕੋਟ ਨਹੀਂ ਕੀਤਾ ਗਿਆ। ਅਜਿਹੇ ਵਿਚ ਆਮਦਨ ਕਰ ਕਾਨੂੰਨ ਦੇ ਸੈਕਸ਼ਨ 272B ਤਹਿਤ 10,000 ਰੁਪਏ ਦਾ ਜੁਰਮਾਨਾ ਭਰਨਾ ਪਵੇਗਾ।
ਕੀ ਹੈ ਪੈਨ ਤੇ ਆਧਾਰ ਲਿੰਕ ਕਰਨ ਦਾ ਪ੍ਰੋਸੈੱਸ
ਆਮਦਨ ਕਰ ਰਿਟਰਨ (ITR) ਈ-ਫਾਈਲਿੰਗ ਦੀ ਨਵੀਂ ਵੈੱਬਸਾਈਟ https://www.incometax.gov.in/ 'ਤੇ ਲਾਗਇਨ ਕਰੋ।
ਇੱਥੇ ਤੁਹਾਨੂੰ ਇਕ ਜਗ੍ਹਾ 'ਲਿੰਕ ਆਧਾਰ' ਦੀ ਆਪਸ਼ਨ ਨਜ਼ਰ ਆਵੇਗੀ, ਇਸ 'ਤੇ ਕਲਿੱਕ ਕਰੋ।
ਇਸ ਤੋਂ ਬਾਅਦ ਪੈਨ, ਆਧਾਰ ਨੰਬਰ ਦਰਜ ਕਰੋ।
ਆਧਾਰ-ਪੈਨ ਲਿੰਕ (Aadhaar-PAN Linking)ਦਾ ਸਟੇਟਸ ਚੈੱਕ ਕਰੋ।
ਜੇਕਰ ਤੁਹਾਡਾ ਪੈਨ ਕਾਰਡ ਆਧਾਰ ਕਾਰਡ ਨਾਲ ਲਿੰਕ ਹੈ ਤਾਂ ਤੁਹਾਨੂੰ 'Your PAN is linked to Aadhaar Number' ਇਹ ਮੈਸੇਜ ਨਜ਼ਰ ਆਵੇਗਾ।
ਜੇਕਰ ਤੁਸੀਂ ਹਾਲੇ ਤਕ ਆਧਾਰ ਕਾਰਡ (Aadhaar Card) ਤੇ ਪੈਨ ਕਾਰਡ (PAN Card) ਲਿੰਕ ਨਹੀਂ ਕੀਤਾ ਹੈ ਤਾਂ ਤੁਹਾਨੂੰ ਆਪਣੀ ਡਿਟੇਲ ਭਰਨੀ ਪਵੇਗੀ ਤੇ ਤੁਹਾਡਾ ਪੈਨ ਕਾਰਡ ਆਧਾਰ ਕਾਰਡ ਨਾਲ ਲਿੰਕ ਹੋ ਜਾਵੇਗਾ।
