ਨਵੀਂ ਦਿੱਲੀ, ਜੇਐੱਨਐੱਨ : ਆਨਲਾਈਨ ਭੁਗਤਾਨ ਨੂੰ ਤੇ ਸੁਰੱਖਿਆ ਬਣਾਉਣ ਲਈ ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਨੇ ਸਾਰੇ ਵਪਾਰੀਆਂ ਤੇ ਭੁਗਤਾਨ ਗੇਟਵੇ ਨੂੰ ਆਪਣੇ ਕੋਲ ਸੁਰੱਖਿਅਤ ਗਏ ਕਾਰਡ ਤੋਂ ਮਿਲੇ ਸੰਵੇਦਨਸ਼ੀਲ ਡਾਟੇ ਨੂੰ ਹਟਾਉਣ ਇਸ ਦੀ ਬਜਾਏ ਲੈਣ-ਦੇਣ ਕਰਨ ਲਈ ਇਨਕ੍ਰਿਪਟਡ ਟੋਕਨ ਦੀ ਵਰਤੋਂ ਕਰਨ ਲਈ ਕਿਹਾ ਹੈ। ਕੇਂਦਰੀ ਬੈਂਕ ਦੁਆਰਾ ਬਣਾਇਆ ਗਿਆ ਇਹ ਨਵਾਂ ਨਿਯਮ ਇਕ ਜਨਵਰੀ 2022 ਤੋਂ ਲਾਗੂ ਹੋਵੇਗਾ।
ਬੈਂਕਾਂ ਨੇ ਆਪਣੇ ਗਾਹਕਾਂ ਨੂੰ ਇਸ ਬਦਲਾਅ ਦੇ ਬਾਰੇ ਜਾਣਕਾਰੀ ਦੇਣੀ ਵੀ ਸ਼ੁਰੂ ਕਰ ਦਿੱਤੀ ਹੈ। ਐੱਚਡੀਐੱਫਸੀ ਬੈਂਕ ਨੇ ਆਪਣੇ ਗਾਹਕਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਇਹ ਮਰਚੇਟ ਵੈੱਬਸਾਈਟ ਜਾਂ ਐਪ 'ਤੇ ਸੇਵ ਕੀਤੇ ਗਏ ਤੁਹਾਡੇ ਐੱਚਡੀਐੱਫਸੀ ਕਾਰਡ ਦੇ ਵਰਨਣ ਨੂੰ ਆਰਬੀਆਈ ਦੇ ਹੁਕਮ ਦੇ ਅਨੁਸਾਰ ਹਟਾ ਦਿੱਤਾ ਜਾਵੇਗਾ। ਹੁਣ ਹਰ ਵਾਰ ਭੁਗਤਾਨ ਕਰਨ ਲਈ ਤੁਹਾਨੂੰ ਕਾਰਡ ਦਾ ਪੂਰਾ ਵਰਨਣ ਦਰਜ ਕਰਨਾ ਪਵੇਗਾ ਜਾਂ ਟੋਕਨ ਬਦਲ ਨੂੰ ਚੁਣਨਾ ਪਵੇਗਾ।
ਆਰਬੀਆਈ ਨੇ ਮਾਰਚ 2020 ਵਿਚ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਵਪਾਰੀਆਂ ਨੂੰ ਡਾਟਾ ਸੁਰੱਖਿਆ ਨੂੰ ਉਤਸ਼ਾਹਿਤ ਕਰਨ ਲਈ ਉਨ੍ਹਾਂ ਦੀਆਂ ਵੈੱਬਸਾਈਟਾਂ 'ਤੇ ਕਾਰਡ ਦੀ ਜਾਣਕਾਰੀ ਸਟੋਰ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਇਸ ਨੇ ਸਤੰਬਰ 2021 ਵਿਚ ਨਵੇਂ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ, ਕੰਪਨੀਆਂ ਨੂੰ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਸਾਲ ਦੇ ਅੰਤ ਤਕ ਉਨ੍ਹਾਂ ਨੂੰ ਟੋਕਨਾਈਜ਼ ਕਰਨ ਦਾ ਵਿਕਲਪ ਦਿੱਤਾ। RBI ਨੇ ਭਾਰਤ ਦੀਆਂ ਸਾਰੀਆਂ ਕੰਪਨੀਆਂ ਨੂੰ 1 ਜਨਵਰੀ, 2022 ਤੋਂ ਆਪਣੇ ਸਿਸਟਮਾਂ ਤੋਂ ਸੁਰੱਖਿਅਤ ਕੀਤੇ ਕ੍ਰੈਡਿਟ ਅਤੇ ਡੈਬਿਟ ਕਾਰਡ ਡੇਟਾ ਨੂੰ ਮਿਟਾਉਣ ਦਾ ਹੁਕਮ ਦਿੱਤਾ ਸੀ।
ਕੀ ਹੈ ਇਹ ਟੋਕਨ ਸਿਸਟਮ
ਜਦੋਂ ਤੁਸੀਂ ਕਿਸੇ ਲੈਣ-ਦੇਣ ਲਈ ਆਪਣੇ ਕਾਰਡ, ਡੈਬਿਟ ਜਾਂ ਕ੍ਰੈਡਿਟ ਦੀ ਵਰਤੋਂ ਕਰਦੇ ਹੋ, ਤਾਂ ਇਸ ਲਈ ਤੁਹਾਨੂੰ ਜਾਣਕਾਰੀ ਪ੍ਰਦਾਨ ਕਰਨ ਦੀ ਜ਼ਰੂਰਤ ਹੁੰਦੀ ਹੈ ਜਿਵੇਂ ਕਿ ਤੁਹਾਡਾ 16-ਅੰਕ ਵਾਲਾ ਕਾਰਡ ਨੰਬਰ, ਕਾਰਡ ਦੀ ਮਿਆਦ ਪੁੱਗਣ ਦੀ ਮਿਤੀ, CVV ਦੇ ਨਾਲ-ਨਾਲ ਇੱਕ-ਵਾਰ ਪਾਸਵਰਡ ਜਾਂ ਟ੍ਰਾਂਜੈਕਸ਼ਨ ਪਿੰਨ। ਇੱਕ ਲੈਣ-ਦੇਣ ਤਾਂ ਹੀ ਸਫਲ ਹੁੰਦਾ ਹੈ ਜਦੋਂ ਕਿਸੇ ਖਾਸ ਲੈਣ-ਦੇਣ ਲਈ ਇਹ ਸਾਰੇ ਵੇਰਵੇ ਸਹੀ ਢੰਗ ਨਾਲ ਦਰਜ ਕੀਤੇ ਜਾਂਦੇ ਹਨ। ਟੋਕਨਾਈਜ਼ੇਸ਼ਨ ਦਿੱਤੇ ਗਏ ਕਾਰਡ ਵੇਰਵਿਆਂ ਨੂੰ ਟੋਕਨਾਈਜ਼ੇਸ਼ਨ ਵਿਧੀ ਲਈ ਵਿਲੱਖਣ ਵਿਕਲਪਕ ਕੋਡ ਨਾਲ ਬਦਲ ਦੇਵੇਗਾ। ਇਹ ਟੋਕਨ ਕਾਰਡ, ਟੋਕਨ ਬੇਨਤੀਕਰਤਾ ਤੇ ਡਿਵਾਈਸ ਦੇ ਹਰੇਕ ਸੁਮੇਲ ਲਈ ਵੱਖਰਾ ਹੋਵੇਗਾ।
ਕੀ ਬਦਲੇਗਾ ਇਕ ਜਨਵਰੀ ਤੋਂ
ਜਨਵਰੀ ਤੋਂ ਬਾਅਦ ਜਦੋਂ ਤੁਸੀਂ ਕਿਸੇ ਮਰਚੇਟ ਨੂੰ ਪਹਿਲਾਂ ਭੁਗਤਾਨ ਕਰੋਗੇ, ਤਾਂ ਤੁਹਾਨੂੰ Authentication (AFA) ਦੇ ਨਾਲ ਉਸ ਨੂੰ ਆਪਣੀ ਸਹਿਮਤੀ ਦੇਣੀ ਪਵੇਗੀ। ਇਖ ਵਾਰ Authentication (AFA) ਹੋ ਜਾਣ ਤੋਂ ਬਾਅਦ ਤੁਸੀਂ ਆਪਣੇ ਕਾਰਡ ਦਾ ਸੀਵੀਵੀ ਤੇ ਓਟੀਪੀ ਨੂੰ ਦਰਜ ਕਰ ਕੇ ਭੁਗਤਾਨ ਪੂਰਾ ਕਰ ਸਕਣਗੇ।
